Ex Secretaria Brevium 3 6 ç

Nos huic etiam rei benignitate Nostra prospicere statuimus, eisdemque Fratribus Missionariis ex memoratis Provinciis, tenore praesentium, veniam facimus, cuius vi ipsi in iis pa- roeciis quae per latum tractum nimis protensae sunt, sacris expletis Missionibus, alteram etiam Crucem, accedente respe- ctivi Ordinarii consensu, erigere licite possint valeantque : ita ut Christifideles qui coram altera Cruce erecta vel eri- genda preces, ut supra, effuderint, omnes et singulas tam plenarias quam partiales indulgentias, quas superius recen- suimus, adipiscantur ; dummodo tamen cetera, quae ad eas consequendas iniuncta sunt, pietatis opera rite praestiterint. In contrarium facientibus non obstantibus quibuscumque. Praesentibus ad decennium tantum valituris. Volumus autem ut praesentium Litterarum transumptis seu exemplis, etiam impressis, manu alicuius Notarii publici subscriptis et sigillo personae in ecclesiastica dignitate constitutae munitis eadem prorsus fides adhibeatur quae adhiberetur ipsis praesentibus, si forent exhibitae vel ostensae.

Datum Romae apud S. Petrum sub annulo Piscatoris die v Septembris MDCCCCIV, Pontificatus Nostri anno secundo.

Pro D. Card. MACCHI L. -fa S« Nicolaus Marini, Substitutus.

Indulgentia conceditur ter recitantibus Salutationem Ange- licam cum invocatione ad Immaculatam pro castitate servanda.

PIUS PP. X AD PERPETUAM REI MEMORIAM

S. Alphonsus Maria de Ligorio non solum strenuus extitit defensor Immaculatae Conceptionis B. M. V., sed etiam fuit promotor indefessus cultus erga Bmam Virginem sine labe conceptam, et praesertim promovit inter fideles praxim quo- tidie recitandi mane et vespere ter Salutationem Angelicam