370 NULLITATIS MATRIMONII

Haec autem omnia talia videri^ quae mentem non tantum rustici adolescentis, sed cuiusvis constantissimi fortissimique viri turbare debuissent.

Quum autem ceterae conditiones a Sanchesio enumeratae apprime cohaereret cum metu Aloisio illato, constare eo ipso de metu eadente in constantem virum qui fuerat ab extrinseco incussus.

Quoad alteram Canonistarum conditionem, quod metus sit iniustus, ex eo patebat, quod incussus esset non ab auctoritate competenti, non causa cognita, non causa iusta : namque milites, Syndicus, Politiae Procurator, qui nulla in causis matrimonia- libus iurisdictione ponebant, vim metumque intulerunt; et causa non erat iusta, cum Aloisius, cognita mulieris praegnantia, iure poterat a sponsalibus cum ea initis resilire.

Item quoad ultimam conditionem, qua requiritur, ut metus directe incutiatur ad extorquendum consensum ex eo aperte pa- tebat, quod Aloisius iam firmo animo destinaverat Annae nuptias repudiare, atque idcirco eius persecutores minis verberibusque usi erant, ut eum ab hoc proposito dimoverent, et ad consensum impellerent, quod opportunis testimoniis ostendebat.

Ad alterum controversiae caput quod attinet, videlicet, per subsequentem cohabitationem et copulam metum non fuisse pur- gatum, neque matrimonium revalidatum, animadvertit, regulam esse, ut ad ea revalidanda, quae invalide gesta sunt, rem in eum statum adducendam esse, quo valide incipere potuisset, quod et Alexander III dixerat in allegata Decretali agens de rapta puella, quo tempore raptus, irritandi matrimonii causa, non distingue- batur ab impedimento vis et metus: haec enim subiunxit Pontifex: plene débet securitate gaudere, cuius est animus indagandus. Quo- circa mandamus, quatenus puella, de cuius matrimonio quaestio ventilatur, in domo in qua eam nihil timere oporteat, facias honeste collocare.

Quod non solum cum Aloisio factum non esset, sed contra- rium contigisset, idque opportunis testimoniis pariter ostendebat. Hanc in rem plura congessit Canonista ad rei potius eruditio- nem, quum hisce in causis certum sit, in locis, quibus vigeat lex Tridentina, matrimonium vi metuque contractum, quando impe- dimentum sit publicum, non revalidan nisi repetita forma, quod