370 DECRETUM

et quibus Processus ipse magna ex parte constat. Hinc factum, ut Summarii diligentissimus Auctor brevibus ac plerumque nul - lius frugis testimoniorum laciniis, integras paginas ex hisce do- cumentis attexere coactus fuerit.

De quibus documentis ut pauca innuam : primo animadver- tere est, ex Actis nullam apparere adhibitam sive ab Iudice , sive a Fisci Promotore diligentiam; qua genuina, authentica, nullaque in parte vitiata haberi iuridice valeant. Nulla siqui- dem occurrit veterum characterum peritia , nulla manus reco- gnitio, seu cum aliis indubiis documentis collatio. Quin immo Commentarius a Vasellio conscriptus adeo informis , mutilus , et mendis plurimis respersus apparet, ut opus exhibeat ab auctore relictum, multo labore et industria adhuc expoliendum ac per- ficiendum. Ceterum ius nostrum absolute vetat extraiudiciales attestationes vel exquirere vel in processum inserere : quin etiam insertis nullam probandi vim tribuit. (Benedict. XIV Lib. II c. 49 n. 2 etc.) Nihil addam de vita a Sotio exarata, cum in ea, ceu monui, fere ad verbum Vasellii et aliorum attestationes relatae fuerint.

Novi quidem, iuxta Benedicti XIV doctrinam, etiam ex vita alicuius Servi Dei legitimam famae originem duci posse , si antiqua haec fuerit : verum advertamus oportet quot quantaque praeterea concurrere debeant ut admitti haec sententia possit; scilicet id valet : si nihil in ea vita reperiatur quod conforme non esset adductis et comprobatis in processibus ; item si viri graves electi non solum opus approbassent, sed etiam id cum processibus diligenter contulissent.

Exemplo rem firmat ex vita s. Aloysii Gonzaga a P. Virgilio Cepario conscripta,: Sex etenim theologi ante eius editionem, quorum tres erant aliorum Ordinum religiosorum, eam contu- lerunt cum processibus, et dixerunt eam esse desumptam ex te- stibus in ipús processibus examinatis, ideoque esse typico praelo dignam. Horum sex theologorum iudicia exhibita fuerunt Car- dinalibus Hieronymo Bernerio Episcopo Asculano ex ordine Prae- dicatorum , Roberto Cardinali Bellarminio e Societate Iesu, et Hieronymo Cardinali Pamphilio tunc Urbis Vicario, qui fuerunt a Summo Pontifice Paulo V selecti pro operis examine. Iudicio Theologorum concors fuit iudicium horum trium Cardinalium , tum vero memoratus Pontifex Paulus V in suis litteris Aposto- licis expeditis in forma Brevis diei 19 Octobris 1605 facultatem