370 INSTRUCTIO

praesertim contra alicuius matrimonii validitatem simplex denun- tiatio facta fuerit, aut fama fundamentum veritatis praeseferens de alicuius impedimenti existentia divulgata sit.

§•4. Ista accusatio coram legitimo Ordinario ecclesiastico fieri debet,

et quidem in scripto: si oretenus facta fuerit, iudicialis reddenda erit iuxta regulas communi iure traditas, scilicet efficiendo ut accusator eam repetat coram tribunali , et a cancellario in actis redigatur.

§. 5. In ea, praeter accuratam facti expositionem, enarranda erunt

omnia adiuncta necessaria, et omnia indicia concurrentia; indicandi et nominandi testes de re instructi, ut hoc modo fundamenta accu- sationis cognoscantur, et via tribunali sternatur veritati detegendae.

§.6. Accusatione sic recepta, munus moderatoris actorum Episcopus

vel ipse sibi assumet, vel suum Vicarium generalem , aut alium probum et expertum virum e clero ad illud delégabit. Similiter alium virum designabit, qui cancellarii officio fungens quidquid ad caussam pertinet in acta referat, ac nominatim interrogationes exa- minandis faciendas, eorumque responsiones scripto consignet.

§.7. Praeterea ipse Ordinarius omnino tenetur deputare alium vi-

rum ecclesiasticum iuris scientia et vitae probitate praeditum, qui matrimonii defensor existat. Eum vero suspendere vel removere, si iusta caussa adfuerit, et alium substituere, iis qualitatibus ornatum Ordinario semper fas erit.

§. 8. Praedictae deputationes et delegationes in scriptis ab Ordina-

rio fiant, et earum authentica documenta vel saltem mentio in actis prostent.

§•9. Moderatoris actorum erit tribunal convocare, partes et testes

citare *ut in iudicium compareant ; terminos dilationis concedere , quoties rationabiliter ab iis qui ius habent petantur; edere decreta et ordinationes pro regulari et recta actorum compilatione. Quae omnia scripto erunt exaranda, et in actis ipsis recensenda.

§.10. Defensor matrimonii antequam munus sibi commissum suscipiat,

coram actorum moderatore iuramentum praestabit, factis sanctis