370 NEOCASTREN. SEU REGINEN.

Verum hoc vertente tempore^ cum Episcopus Candido ad sedem Isclanam translatus fuisset, ipsius successor R. D. P. Valensisse hanc pensionem medietate imminutam persolvere coepit.

Sac. Tampani novitate perculsus, sub die 17 Augusti 1890, H. S. C. supplici oblato libello adivit, contra Episcopi Va- lensisse agendi rationem, utpote SS. Canonibus adversam, questum movens.

Hoc accepto supplici libello S. C. die 19 Novembris re- scribere censuit : Orator remittitur Metropolitano, qui ra- tione habita decreti « Cum nuperrimis » dirimat in primo iurisdictionis gradu; et rescriptum mox relatum Archiepi- scopo Reginen. communicari iussit.

Archiepiscopus Reginen. H. S. C. imperata faciens, con- troversiam examini subiecit, perpensisque rationum momen- tis ab utraque parte adductis, sub die 25 Martii 1891 sa- cerdotis Tampani recursum reiecit sententiamque Episcopo Velensise amicam edidit, decernens, ut ad dimidiam tantum partem pensio ab Episcopo Valensise sacerdoti Tampani debita reduceretur.

Inimicam Archiepiscopi Reginen. sententiam aequo animo haud tulit sac. Tampani, qui proinde sub die 18 Aprilis ap- pellationem apud S. H. C. interposuit, expostulans, ut ipsa quovis firmitatis robore destituta renunciaretur.

Disceptatio Synoptica.

IURA EPISCOPI COADIUTORIS. Ad extinguendas controver- sias Beneficiarios inter et Pensionarios ortas, post pseudole- ges a gubernio italico contra Ecclesiae patrimonium latas, fel. rec. Pius IX decretum < Cum nuperrimis > die 28 Ianuarii 1871 edidit, vi cuius statutum fuit: « ut amissio vel diminutio redituum Beneficiorum in communi benefi- ciarios ac pensionarios afficiat, nullo facto inter ipsamet Beneficia ipsasque pensiones discrimine, ita ut praefatis re- ditibus imminutis vel amissis, habita proportione imminui etiam pro rata debeant aut cessare pensiones etc. »