370 ORANEN.

mittit, quod sacerdoti Catà ius et titulus fundatoris perti- neat; iam vero S. Congregatio ad relatum dubium: An et quomodo ad presbyterum Catà pertineat proprietas aut sim- plex administratio asyli in casu? Respondendo negative in omnibus, hunc titulum ei denegavit: siquidem sedulo di- stinguendum esse tradit ius reale dominii a iure proprietatis, quae sub se etiam ius auctoris comprehendit : proinde cum emanata decisio subvertat sacrorum canonum spiritum qui hunc titulum fundatoris reservatum volunt, quia expedit ex- citare pios homines ad nova opera ad publicam utilitatem, revocari debet : hic adnotat quod priores Defensores in prima causae discussione errarunt ponendo quaestionem dominii, quasi sac. Catà sibi vellet vindicare proprietatem Asyli: hoc non respondebat obiectivitati quaestionis, neque intentioni ipsius Catà, qui tantum sibi reservatum voluit ius funda- toris et auctoris.

Ulterius patronus instat, asylum in casu esse opus pium laicale, et probat 1. ex fine qui iuxta D. Thomam et Ari- sto telem entis naturam determinat. Unde scitum esse ait opera ecclesiastica nunoupari quae ad cultum religiosum vel ad bonum animarum diriguntur; laicalia vero quae ad alium scopum : at in themate finis asyli est alimentum subventio, et educatio pauperum puellarum : probat 2. ex mediis; insti- tutum enim extructum fuit ex privatis laicalibus contribu- tionibus, proinde sub hoc respectu nullimode ecclesiasticum dici potest : probat 3. tandem ex personis quae in instituto aluntur: hae enim sunt pauperes puellae et tamdiu inibi consistunt quoadusque collecta subsidia non deficiant; hinc Asylum destituitur illo charactere perpetuitatis, quae in fun- dationibus ecclesiasticis requiritur. Posito vero quod opus a sacerdote Catà fundatum sit laicale, eius fundatori absque in- iustitia denegari non poterat administratio.

Quin aliquid obsit quod affert Episcopus Oranensis ad probandam eius ecclesiasticitatem, nempe licentia ab ipso impertita ponendi capsulam in Ecclesia pro eleemosynis fa- vore Instituti extruendi, et facultas colligendi subsidia ad