370 EX S. C. CONCILII

Accedit tertio quod non agitur de sacerdote iam pro- moto ius habente ad ordinum exercitium, sed de clerico pro- movendo, quo in casu difficilius huiusmodi dispensationes concedi solent.

Nec tandem clericus Orator est extraordinaria ingenii vi praeditus, qua quodammodo posset physicum defectum compensare et magnae esse Ecclesiae utilitatis, sed tantum pollet intellectualibus dotibus ordinariis, uti declaratum est a Rectore Seminarii Bergomensis.

Verum ex adverso perpendendum est quod ratio seu causa irregularitatis ex defectu in eo sita est, quod defe- ctus talis sit, vel quod impediat exercitium ordinis, vel quod pariat scandalum et admirationem in populo Chri- stiano. - Id praeter quam quod liquet ex cit. cap. Pres- byterum de clerico aegrotante, erui etiam potest ex eo quod Alexander III scribit super cap. 1 De corpore vit. : « Respondemus, quod cum ipse non perdiderit tantum de digito, quod sine scandalo possit solemniter celebrare, satis potes permittere ipsum in suo ordine ministrare », et de clerico promovendo cui super dexterae pollice fortuito casu avulsa fuerat ungula in cap. eodem: « Mandamus quatenus si ad frangendam Eucharistiam sit in ipso pollice potens, et aliud canonicum non obstet impedimentum, propter de- formitatem huiusmodi non dimittas, quin eum ad ordinem promoveas sacerdotii ». Hinc quando duo praefata extrema exulant, videtur potius agi de materiali quam de formali irregularitatis defectu, uti traditur in Mediolanen. Dispen- sationis ab irregularitate diei 14 Aprilis 1894 circa finem.

Iam vero clericus Cotti non obstante enunciato defectu. 1. Valet explere sacras Missae caeremonias. - Ordina-

rius enim Bergomensis in cit. relatione dicit : « deesse verum periculum et veram irreverentiam in explendis, sacrosan- cti Sacrificii coeremoniis »; quin immo dominus Longhi me- dicus, postquam testatus est « fere impossibile esse morbum denuo renovari posse », addit « progressu temporis facilio- rem fieri deambulationem, sicurosque reliquos omnes actus