DECRETUM 371

impertitus est edendi in lucem ad Christifidelium aedificationem et utilitatem opus praedictum etc. His siquidem positis difficile admodum esset famam reprobare, de qua testes deponerent, as- serendo se ita a maiori parte populi dici audivisse et sic di- centes fundamentum dicendi habuisse in vita Servi Dei tot exa- minibus et solemnitatibus praeviis a viro gravi in lucem edita. ( Ben. XIV lib. IL c. 11 . n. 8) .

Quid horam, quaeso, in causa nostra? Quandonam cum vix inchoatis processus tabulis , documenta superius memorata collata sunt? Ubinam Theologorum examina? Ubi S. R. E. Cardinalium, vel Summi Pontificis iudicium et confirmatio? Ubi saltem aliqua hisce similia ? De cetero hoc maximum discrimen; licet in re nostra uti vidimus, non tantum de adminiculo probationis agitur, extantibus ex processu idoneis probatio- nibus, sed de ipsa iudicii substantia. Plane si valida, legitima, et plena esset probatio virtutum et sanctitatis famae ex vita memorata et ex attestationibus, extraiudicialibus desumpta, ad quid Processus Ordinarii confectio, solemnis apparatus examinis, tresdecim testium rogatio et inductio ? Nonne prorsus inutilia et inania haec fuisse viderentur ? Satis enim abundeque fuisset vitam Ioannis Andreae nostri conscriptam et attestationem ipsam b. Ioannis De Rossi in actis referre.

Cui quidem attestationi a b. Ioanne Baptista De Rossi exa- ratae cum praecipue omnes innitantur , operae pretium duco paucissima de illo documento singillatim dicere. Omitto quod vir Beatus iuvenilibus annis illud exaraverit, et citra iuramenti fidem. Attamen valde scire oportebat, num in processu deinde, in quo examen subi i t , illud confirmaverit, vel forte emunda- verit. Praeterea licet quaedam ecclesiastico digna viro in hoc documento praedicentur, haud tamen ita amplam ac numeris omnibus absolutam viri sanctitate conspicui imaginem exhibent, ut praesens iudicium per illud absolvi possit. Praesertim vero de fama post obitum nullatenus agit, neque agere poterat, quia anno ipsius obitus exaratum.

Haec talia sunt, quae nos ab ulteriori qualibet disquisitione eximant. Quid enim aliunde quaerimus de hac sanctitatis fama, cuius in casu omnis idonea probatio deficit ? Ea namque famae probatio quaeritur, quae in existimatione et communi opinione consistit - de puritate et integritate vitae, et de virtutibus non utcumque, sed per continuatos actus data occasione exercitos