368 NOMINATIONIS

negotiis et consultationibus Episcoporum et Regularium praeposita

benigne commisit Episcopo (N.), ut dummodo ius alteri quaesitum non laedatur, petitam pro suo arbitrio et conscientia indulgeat sa-

nationem in omnibus iuxta preces. »

Cum autem hoc Rescriptum de more integram incolumem- que relinqueret pendentem quaestionem per expressam clau- sulam dummodo ius alteri quaesitum non laedatur, Defensor Pauli sustinuit in praesenti themate nullum ius alicui laedi. Idque ostendere studuit ex eo quod Ioannes duo incompatibilia Bene- ficia retinere nullatenus posset, cum, primo dimisso, alterum Canonicatum consecutus esset ; ideoque quodvis ius amisisse in primo Canonicatu.

Neque oggeri ad invidiam posse inquit Orator, Rescripta et Privilegia lite pendente in praeiudicium alterius partis impe- trata subreptitia censeri: namque, respondebat, Rescriptum prae- iudicium nullum Ioanni afferre ; neque eumdem impedire ulla- tenus posse, quominus S. Sedes, pendente lite, idoneum redderet Paulum ad possidendum Canonicatum in quo ipse Ioannes omne ius amisisset per consecutionem alterius Canonicatus; praesertim vero, quod Rescriptum postulatum esset ad alterum iam obten- tum sanandum quatenus opus esset: et eo vel magis id admitti deberet, quod, cum Paulus saecular iza t i legitime iam esset cum conditione constituendi sibi patrimonium sacrum , sub generico sacri patrimonii nomine, primo loco, iuxta iurisprudentiam ca- nonicam , Beneficium ecclesiasticum intelligatur, quod est pro- prius S. Ordinationis titulus; patrimonium vero vel pensio non- nisi titulus subsidiarius et extraordinarius, Conc. Trid. sess. 21 c. 2. de Reform.

Altera difficultas mota in eo erat posita, quod Ioannes fun- daverat Canonicatum ex bonis quorum pars constituebat suum patrimonium sacrum; ideoque locum esse Tridentinae sanctioni cap. 2 sess. 21 de Ref. in quo sic statuitur. « Is vero Beneficium resignare non possit, nisi facta mentione, quod ad illius Beneficii

titulum sit promotus; neque ea resignatio admittatur nisi constito

quod aliunde vivere commode possit, et aliter facta resignatio nulla

sit. » Quamvis autem de hoc patrimonio mentio in Decreto ere- ctionis facta non e ra t , tamen , facto admisso, Defensor Pauli contendebat, nullum ius inde Ioannem posse iactare, quod sic