372 INSTRUCTIO

ûeratore actorum accurata factorum et circumstantiarum, quarum cognitio et confirmatio requiritur , expositio erit facienda, quae concinnatis opportunis interrogationibus, de sententia quoque de- fensoris matrimonii, et indicatis examinandorum nominibus, ad Or- dinarium loci, in quo commorantur, mittatur, ut ille sive per se, sive per suum vicarium generalem, sive per alium virum probum et expertum, e clero eligendum, eos examini subiiciat iuxta datas interrogationes, requisito prius iuramento de veritate dicenda, et ceteris servatis, quae supra praescripta sunt.

Si vero contigerit aliquem examini subiiciendum e vita migras- se, mortis documentum inter acta recenseatur.

§• 16. Quoad singulos in iudicium vocatos vel vocandos actorum mo-

derator inquirere debebit probitatem et credibilitatem , et ad hoc curabit, ut ab eorum parochis, sin minus a personis fide dignis, litte- rae testimoniales exhibeantur, quae etiam in actis erunt ref er endae.

§• 17. Inter examinandos primo loco venit ille qui accusationem con-

tra matrimonium movit. Ab isto exquirendum erit, ut clare distin- cteque exponat accusationis titulum; facta omnia fideliter et reli- giose enarret, eorumque probationes afferat; circumstantias omnes et indicia exponat quae vel ex propria scientia cognoverit, vel ex aliorum relatione didicerit; et denique nominet testes quos de re instructus sciverit, vel saltem reputaverit.

§. 18. Secundo loco veniunt coniuges ipsi, qui semper , et seorsum

audiri debent, ut unusquisque sua iura tueri, et rationes , dedu- ctiones, ac facta allata aut reiicere, aut explicare queat. Quaelibet pars examini subiecta poterit vel illico post examen , vel etiam deinceps, antequam processus claudatur, proponere, si velit , arti- culos, super quibus alter coniux sit examinandus; et quatenus etiam ab hoc articuli proponantur, erit iterum citandus coniux qui primus fuerat examinatus, ut super articulis ab altero propositis audiatur. Iuxta casuum diversitatem a coniugibus inquirendum erit , ut si qua documenta habeant ad suum matrimonium, vel ad coniugalem vitae consuetudinem spectantia ea exhibeant, in acta recensenda. Quae documenta cuiuscumque generis sint, et a. quocumque exhi- beantur, semper erunt recipienda; et cancellarius adnotare debebit diem, mensem, et annum, nec non nomen illius a quo exhibita fuerunt.