372 NEOCASTREN. SEU REGINEN.

sionis titulo ordinatus ob huius normae solutionem sacro patrimonio privatus partim vel omnino remaneat, nullam ob id suspensionem incurrat, nec ecclesiasticis obnoxius poe- nis evadat. »

IURA SAC. TAMPANI. E X parte sac. Tampani animadversum fuit, citatum decretum <Cum nuperrimis » ideo editum fuisse, ut beneficiarii et pensionarii proportionaliter damna redituum diminutionis sustinerent, quibus ob leges a gubernio italico la- tas, ecclesiastica beneficia in Italia existentia, postremis hisce temporibus, obnoxia fuerunt.

Hoc semel constituto, videtur quod modo, post 20 an- norum lapsum, non amplius beneficiorum possessoribus li- ceat huiusmodi decretum denuo invocare eum in finem, ut pensiones adhuc reducantur. Huiusmodi siquidem propor- tione semel invecta, aequum et iustum esse videtur, ut ce- teris innovationibus aditus praecludatur, ne beneficiariis vel pensionariis ansa praebeatur novas lites instaurandi.

Praeter haec perpensum fuit, praesumendum esse sum- mum Pontificem in conferendis beneficiis, cuiuscumque bene- ficii reditus et onera perspectus habere. Hinc omnino validas renunciandas esse pensiones quascumque ab ipso Pontifice impositas, nec eas imminui posse ratione decreti « Cum nu- perrimis ».

In cuius rei confirmationem adducta fuit Romana Quoad reductionem pensionis diei 29 Iulii 1881 ; nec non Nepesina diei II Augusti 1874, quibus S^ H. C. decrevit, pensionem a Summo Pontifice impositam integram solvendam esse, non obstante citato decreto «Cum nuperrimis>.ad quod beneficiarii pensione gravati recursum faciebant.

In themate autem, cum Episcopus Valensisse Episcopo Candido absque ulla distinctione vel limitatione substitutus fuerit, iustum esse videtur, ut Ipse pensiones omnes in ea- dem quantitate persolvat, qua eas Episcopus Candido ipsius antecessor persolvere consueverat.

Neque quidquam facere, quod tam Episcopus Barberi, quam Episcopus Candido animo conceperant pensionem sac.