372 O B A N E N .

huic obiectioni ita respondet defensor : vel quaestio spectetur ceu mere civilis, et tunc dubitari nequit quod sacerdoti Catà etiam dominium super Asylo competit ; vel est quaestio con- scientiae et fori ecclesiastici, et tunc indubie ei spectat ius re- servatum omnibus fundatoribus piorum Operum : in utroque casu iniustitia editae resolutionis semper patet : denegat au- tem adesse violationem quasi contractus iudiciarii, quia litis contestatio non solum versata est super titulo civili dominii, sed etiam super titulo canonico fundationis et complecte- batur utrumque ius proprietatis et administrationis et hinc etiam ius fundatoribus reservatum. Accedens defensor ad secundum dubium circa expulsionem Sororum S. Teresiae ab Asylo, sustinet decisionem S. Congregationis pariter iniustam esse : sane in ea resolutione edicitur sac. Catà censuras ec- clesiasticas non incurrisse, et tamen negatur contradictorie legitimitas expulsionis : re quidem vera si sac. Catà tra- ducendo Sorores S. Teresiae ad laicum tribunal, declaratus est non incidisse in ecclesiasticas censuras, quia privilegium fori ecclesiastici non viget in dioecesi Oranensi sicuti in Gallia, et quia sorores praefatae nullam institutionem ca- nonicam habuerant in Asylo, ut iniuria praetendebat Curia Oranensis, sed erant mere stipendiatae seu locatrices operum, ex iisdem rationibus renuncian debebat legitima expulsio, cum ea iussa fuerit a competenti magistratu, cuius actus declarari nequeunt illegitimi absque ordinis publici tur- batone.

Sed subdit Curia Oranensis: Sac. Catà, nixus titulo civili sorores expulit, quia Asylum usurpare volebat. Defensor ita hanc obiectionem diluit : sacerdos Catà utique allegavit ti- tulum civilem, sed non animo sibi habendi institutum, sed animo se defendendi: Sorores Teresianae non amplius, pa- rebant conditionibus ab initio impositis et ab ipsis acceptis : arbitrarie numerum sororum a 5 ad 12 auxerant puellas, non ex pauperibus, sed ex divitibus familiis recensebant: et vocem sac. Catà non amplius audiebant: hinc earum expulsio, omnibus mediis ad correctionem frustra adhibitis, necessaria