374 Acta Apostolicae Sedis - Commentarium Officiale

ter annuendum censuimus. Quare, supplet o quorum interest, vel eorum

qui sua interesse praesumant consensu, abbatiale Capitulum Nonantula-

num actu exsistens Apostolicae potestatis plenitudine confirmamus et cano-

nice constitutum declaramus, vel, quatenus opus sit, ex novo per prae-

sentes Litteras erigimus, ita ut ipsum verum Capitulum nuncupati et haberi

possit cum omnibus iuribus et privilegiis huiusmodi Capitulis propriis sub

modo tamen et legibus quae sequuntur:

I. Capitulum duabus dignitatibus,vPrioratu nempe et Archipresbyteratu,

et Septem Canonicis constabit, quibus addere, quum opportunum visum

fuerit, aliquot beneficiatos minores seu mansionarios Archiepiscopo-Abbati

fas erit. Prima autem dignitas, idest Prior, caput erit Capituli ceterosque

praecedet. Archipresbyteratui vero adnexa erit cura animarum paroeciae

S. Michaelis Archangeli in civitate Nonantula; haec proinde altera dignitas

titulo gaudebit Arehipresbyteri-Parochi. Septem autem Canonici iuxta

prioritatem possessionis praecedentiam habebunt. Ex iis, uni officium Theo-

logi assignetur, alteri, si fieri poterit, officium Poenitentiarii.

I I . Cum modo praebendae, tum pro dignitatibus, tum pro Canonicis

institutae non habeantur, indulgemus ut interim Capitulares, suas praeben-

das non habentes, fructus tantummodo percipiant, qui èx summa sponte

oblata promanant.

I II . Archiepiscopo-Abbati libere tum dignitates, tum canonicatus in

praesenti conferre liceat. Si quando autem praebendas constituendas fore

contigerit, tunc ipsarum collatio fiat iuxta sacrorum canonum praescripta

et cum reservationibus in iure statutis.

IV. Canonicis paroecias, quas in actu nominationis possideant, retinere

vel alias assumere fas sit, ac pro munere suo fructus utrimque percipere.

V. Omnes et singuli capitulares parati sint ad ea officia et ministeria

libenter suscipienda naviterque obeunda, quae Ordinario, suo prudenti

iudicio, illis committere placuerit. Quo autem diligentius unusquisque officiis

suis fungatur, Ordinarius, audito Capitulo, punctaturam aliquam praesti-

tuat in negligentes sive in suo officio adimplendo sive in chorali servitio

persolvendo. Legitime impediti iuxta iuris normas praesentes habeantur.

Pars autem fructuum quae a negligentius amittitur diligentibus accrescat.

V I . Usque dum haec oeconomica conditio Capituli permaneat, chorale

servitium ad Horas minores et Missam conventualem tantum coarctetur,

et quidem diebus festis ab Archiepiscopo-Abbate, audito Capitulo, deter-

minandis, qui maiore solemnitate in ecclesia abbatiali celebrantur.

VI I . Missa conventualis per turnum celebrabitur diebus quibus chorale

servitium habebitur, reservata tamen Canonico Priori celebratione diebus

solemnioribus.