374 Acta Apostolicae Sedis - Commentarium Officiale

mensis anno millesimo nongentesimo trigesimo quarto reassumptionis

causae Commissionem manu Nostra signavimus.

Instructi sunt itaque super assertis novis miraculis Processus Apo-

stolici, duo que prodigia Sanctae Sedis iudicio ad Canonizationem asse-

quendam sunt proposita.

Mira sanatio priori loco discussa sacerdotem Ianuarium Nappi,

S. Tryphonis in oppido Marzano dioecesis Nolanae Parochum, respicit.

I s pluribus ab annis varicoso ulcere in sinistro crure molestissime vexa-

batur, quod, etsi plures consulti medici et varia adhibita sunt medi-

camenia, insanabile evasit. Verum quodam vespere Septembris mensis

anno millesimo nongentesimo trigesimo primo sacerdos ille, animo de-

missus, doloris pertaesus et quietem ad quam cogebatur fastidieus,

Beati Ioannis ope ferventissime invocata et ad infirmum arctum eius

imagine apposita, ulcus, ad cicatricem noctu perductum, sequenti mane

perfecte sanatum invenit, numquam exinde renovatum.

Altera sanatio in puero Vic torio, Aloisii Lamberti filio, Neapoli,

anno millesimo nongentesimo vigesimo sexto evenit. Puer iste, nondum

trimulus, die ultima Ianuarii mensis hoc anno, gravissima ostéomyélite

phlegmonosa séptica correptus est. Cum nihil profuisset chirurgica sectio

morbusque in peius rueret, parentes et consanguinei, qui ab ipso morbi

initio Beati Ioannis Leonardi patrocinium invocaverant, supplices gemi-

nabant preces; neque incassum felicique sane exitu. Dum enim nona die

Februarii medici, qui in consilium convenerant, nullam superesse sana-

tionis spem edixerunt, puerulusque fere in eo erat ut animam exhalaret,

postridie mane ab ipsis medicis sanatus inventus est, qui una cum tribus

aliis peritis ex officio advocatis miraculum conclamarunt.

De utraque hac mira sanatione ter, uti de iure, disceptatum est; ac

demum a Nobis Decreto vicesima die mensis Februarii decurrentis anni

edictum est : Constare de duobus miraculis, a Deo per Beati Ioannis

Leonardi intercessionem patratis, nempe de instantánea per f ectaque sana-

tione tum Sacerdotis Ianuarii Nappi ab ulcere varicoso cruris sinistri,

cum pueri Victorii Lamberti ab ostéomyélite phlegmonosa séptica femo-

ris sinistri.

Deinceps, generali coetu coram Nobis die subsequentis mensis Martii

octava convocato, Causae Ponente seu Relatore dilecto Filio Nostro

S. R. E. Cardinale Raphaele Carolo Rossi, dubium propositum est discu-

tiendum : An, stante approbatione duorum miraculorum, post indul-

tam Beato Ioanni Leonardi ab Apostolica Sede venerationem, tuto

procedi possit ad sollemnem ipsius Canonizationem. Unanimi vero tum