319. In ss. Quadraginta Martyrum.

1. Deus aeterne, famulos clementer
Hymnum sanctorum respice canentes,
Quorum votiva celebramus festa
Nunc quadraginta.
2. Veniam praesta pietate sancta,
Martyrum prece crimina dimitte,
Nobis est iram mitiga, quam multum
Nos provocamus.
3. Christe, qui mundum morte redemisti,
Gujus exemplum martyres secuti,
Nunc sacrum quorum corpus sanctum jussit
Beneventum duci.
4. Aufer a nobis famem jam et pestem,
Quaesumus, gentem saevam atque mortem,
Pariter poenam pie, quam meremur,
Daque medelam.
5. Vos ergo, Christi martyres, rogamus,
Vestro precatu ut hoc meramur
Nunc adipisci, demum et vobiscum
Regna polorum,
6. Ecce, quam rite decorata manet
Samnium vestris reliquiis sacris,
Poscite semper pro nobis, oramus,
Dominum Christum.

7. Sit laus Deo sempiterno patri,
Sit Christo Jesu virtus, honor omnis,
Flamini sancto sit gloria perpes
Semper in aevum.