INSTRUCTIO 375

fectus suppleantur, dubia elucidentur, et errores corrigantur» Hunc in finem, praesente semper vinculi defensore, in curia constituto vel specialiter delegato, coniuges examinabit, investigationes insti- tuet circa documenta priori tribunali exbibita , testes , a quibus novae informationes hauriri possint, iterum audiet. Imo poterit etiam praescribere, ut novus processus ex integro conficiatur.

Verum quatenus validae desint rationes novum processum exi- gendi, consultius erit, praesertim si personarum et locorum cir- cumstantiae id suaserint, ut processu iam expleto utatur, indictis tamen ulterioribus investigationibus, quas necessarias iudicaverit.

Quod si novum processum faciendum esse censuerit, methodus supra descripta servanda erit. Si vero aliqua tantum nova acta adiungenda, vel novi aliquid investigandum censuerit, semper tamen defensor matrimonii adesse debebit, vel saltem nova haec eidem communicanda erunt, ut pro munere suo ea expendere, et quatenus opus esse duxerit proprias animadversiones illis apponere valeat.

§. 29.

Expleto examine primi processus, et imposito fine novis inve- stigationibus, iudex appellationis debebit exquirere a defensore ma- trimonii, utrum aliquid adhuc habeat deducendum aut inquiren- dum ; et quatenus se nil amplius habere dixerit, auditis prius, modo quo supra declaratum est, aliquibus viris in scientia iuris peritis, sententiam pronunciabit, omnia servando quae pro tribunali primae instantiae praescripta fuerunt,

§. 30. Quando utraque sententia conformis pro validitate coniugii pro-

nuntiata sit, sciat tamen pars impugnans matrimonium, sibi adhuc omnino patere appellationem ad Apostolicam. Sedem. Si porro in se- cunda aeque ac in prima sententia nullum ac irritum matrimonium iudicatum fuerit, et ab ea pars vel defensor pro sua conscientia non crediderit appellandum, in potestate et arbitrio coniugum sit novas nuptias contrahere, dummodo alicui eorum ob aliquod impe- dimentum vel legitimam causam id vetitum non sit. Potestas tamen post alteram sententiam conformem, ut supra, coniugibus facta in- telligatur, salvo semper et firmo remanente iure seu privilegio caus- sarum matrimonialium, quae ob cuiuscumque temporis lapsum num- quam transeunt in rem iudicatam; sed si nova res, quae non de- ducta vel ignorata fuerit, detegatur resumi possunt et rursus in iudicialem controversiam revocari. Quodsi a secunda sententia super nullitate vel altera pars appellaverit, vel defensor matrimonii ei