ORANEN. 575

Dubia

I. An sit locus restitutioni in integrum in casu. Et quatenus Affirmative. IL An et quomodo confirmanda vel revocanda sit decisio

diei 2 Iunii 1893 in casu i RESOLUTIO. Sacra Congreg, re mature discussa sub die

23 Augusti 1895 rescripsit : Ad I. Negative. Ad II. Provisum in primo et ad mentem. Ex HIS COLLIGES: I. Licet in sede appellationis non sit

prohibitum novas probationes afferre iuxta adagium : Non deducta deducam, non probata probabo, tamen non licet materiam contentionis mutare, quia esset violare quasi con- tractum ex litis contestatione exortum, qui partes ligare debet: unde merito S. Cong. non attendit quae Procurator sacerdotis Catà attulit circa erratam positionem quaestionis in altera causae propositione.

II. Non dari restitutionem in integrum adversus rem iudicatam 1. quando pars postulans eam iam accepto habuit; 2. quando pendente iudicio restitutionis in integrum pars instans committat attentatum contra impugnatam decisio- nem, quia cum hoc arguat malam fidem et spretum iudicis, praesumptio est quod neque novam decisionem sit executura.

III. Ad diiudicandum utrum aliquod opus pium sit lai- cale vel ecclesiasticum, inter alia esse inspicienda 1. finem ad quem est directum, 2. media quibus est fundatum, 3. per- sonas quas attingit : quare ait Sebastianus Berardi, quod Hospitalia suapte natura inter res ecclesiasticas minime re- censentur.