320. De sancto Materno.

1. Splendor magnus confessorum,
Gemma, lumen sacerdotum,
Est imitator martyrum,
Apostolorum particeps.

2. Divino nutu praelectus,
Cunctus clamabat populus:
Hic nobis est episcopus,
Sic Deo placet, Maternus.

3. Hic visitabat carceres.
Ferro ligatos milites
Hortabatur assidue,
Ne se darent blasphemiae.

4. Sanctorum dantur corpora,
Neque sepulchris condita,
Feris lupis laceranda,
Ut testantur regum jussa.

5. Quae pius pastor colligit
Et dignis mandat sepulturis,
Ut secum regnet in excelsis
Atque cum sanctis angelis.

6. Homo appellatus patriae,
Pater, custos ecclesiae
Ab omni cive hujus terrae
Sua pia sanctitate.

7. Hic est saepe verberatus
Et cum reliquis reclusus,
Nam plebi necessarius,
Deo dante liberatus.

8. Hunc deprecemur confessorem,
Pastorem tam mirabilem,
Nostram modo ferat precem
Apud venturum judicem.

9. Gloria tibi, Domine.