IUBILATIONIS

Die 26 Iunii 1869.

S u m m a r i a p r e c u m . Redeunt hae preces post ea Rescripta S. C. G. quae exposuimus in Vol. III, pag. 468 et seqq. quaeque Lector recolere potest, ut rem plenius intelligat.

Ioannes Canonicus ecclesiae cathedralis N. etsi instantissime iamdiu postulavit iubilationis indultum, attamen re expensa in Congregatione habita die 25 Maii 1867, dimissus fuit Rescripto negative. Agebatur enim de Canonico, qui per multos annos choro ideo non inserviverat, quod in alia laudabilia munera sive pa- roecialia sive praedicationis ex Episcopi venia vel mandato incu- buerat, non tamen obtento indulto ab Apostolica Sede; quod evenisse dicebatur non ex culpa, sed ex ignorantia.

Existimans vero orator ideo sibi infaustum cecidisse illud responsum, quod magnus quoque fallentiarum numeras in libris conscriptus sibi imputaretur, hinc continuum et laudabile chori servitium per alios duos annos impigre praestare studuit. Exinde, biennio elapso, preces iteravit, quum iam transiisset tempus an- norum quatuor et duorum mensium praeter quadragenarium cho- rale tempus. Hisce enim annis testabatur, se certe reintegrasse praehabitas a choro absentias.

His precibus addebat alias quoque commiserationis causas. Episcopus rogatus, ut audito Capitulo de hac re referret, re-

scripsit: « Capitulum... censet praefatum Canonicum in praesen- « tiarum mereri posse petitum Iubilationis Indultum. Reapse post « gratiae, de qua agitur, denegationem perlaudabfle chori servi- « tium praestitit, per quod putari debet, eum praeteritas supple- « visse omissiones computatas decursu quadraginta annorum ser- « vitii choralis. Accedit quoque gravis eiusdem aetas, necnon « nonnulla valetudinis incommoda una cum afflictionibus ac mo- « lestiis ob rei familiaris angustias, domesticasque calamitates, « praesertim ob mortem eius fratris sibi carissimi. Denique idem « Canonicus a sua iuventute usque ad totum praeteritum an- « num 1868 commendabiliter curae animarum vacavit, ac Verbi « Dei praedicationi in civitate et dioecesi N. aliisque locis. Quo-