378 Acta Apostolicae Sedis - Commentarium Officiale

pie sancteque vitam duxit, ut modo apud Sacrorum Rituum Congregatio-

nem eius Beatificationis causa inita sit. Ipsa igitur, nonnullis sibi adiunctis

sociis, sub sancti Petri Fourier disciplina, spirituali puellarum bono totam

se dedit. Fundatrix novi pro puellis educandis instituti, non minus quam

primae eiusdem sociae, prorsus mirabilibus animi dotibus effulsit, tanti sub

magisterio viri, qui eas prudentia singulari, doctrinae verbo ac bonorum

operum exemplo ad frugiferum propositum attingendum excitabat. Ineun-

tis vero societatis statutis constitutionibusque triginta per annos Petrus

Fourier assiduo studio adlaboravit, voluitque potissimum nt Canonissae

eaedem, alumnarum eruditioni et magisterio addictae, cum exteriore vitae

habitu interiorem orationis spiritum sociarent, numquam intermissa quo-

tidiana in choro Horarum canonicarum recitatione. Duplicem hunc vitae

tenorem, actionis nempe et contemplationis, iterum iterumque quoad vixit

sanctus conditor ac legifer verbo scriptisque filiabus in Christo suis com-

mendavit; idque in primis exaratae ab eodem regulae monent iubentque.

Anno MDOXV praedecessor Noster Paulus Pp. V rec. mem. regulas easdem

prima vice probavit; anno vero M D C X X V I I I Urbanus Pp. VI I I , cum nonnulla

Congregationis privilegia recognoverit, statuta quoque eiusdem rata habuit;

Innocentius denique Pp. X per Litteras sub plumbo datas die x x v m. Augu-

sti an. M D C X X X X V sollemnem defmitivamque Apostolicae Sedis sanctio-

nem Congregationis Canonissarum Regularium Sancti Augustini constitu-

tionibus ac regulis largitus est. Mirandum autem in modum Congregatio

eadem percrebuit; dum enim adhuc in vivis ageret sanctus fundator, quin-

quaginta fere domus in Gallia, Hollandia, ac Belgio florebant. Post vero

obitum sancti Petri et in Germaniam atque in Sabáudiam, extra quoque

Europam et in Americam et in alias vel longo terrarum marisque spatio

seiunctas ditiones Canonissae Sancti Augustini migrarunt, atque uberri-

mam ubique spiritualem segetem messuerunt. At teterrima illa rerum

omnium perturbatio, quae in Gallia saeculo decimo octavo exeunte exar-

sit, huic quoque frugiferae Religiosarum Congregationi gravia damna

iacturasque intulit; sed, iisdem dolorum cruciatuumque temporibus trans-

actis, Canonissarum earundem Institutum iterum sese extendit, ac feli-

citer ad hodierna nostra tempora pervenit. Nil mirum itaque si, labentibus

annis, nonnulla e constitutionibus, quas sanctus Petrus Fourier exaravit,

praesentium temporum necessitatibus minus apta videantur; ac propterea

moniales ipsae Canonissae Regulares S. Augustini, a Nostra Domina nun-

cupatae, humiliter ad Nos preces admoverunt ut suae Congregationis Con-

stitutiones, quae nuper accommodatae sunt ad normas novi iuris canonici

Codicis, sanctione Apostolica denuo confirmemus. Quae quidem emendatae

Constitutiones, gallico sermone exaratae, a Sacra Congregatione Religio-