S E R V I T I I C H O R I

Die 17 Aprilis et 18 Decembris 1869.

S u m m a r i a p r e c u m . Capitulum ecclesiae collegiatae N. in Neapolitano regno anno 1853 supplicem libellum S. Congrega- tioni Concilii porrigens postulavit, ut Canonicis alternis vicibus choro interesse liceret ; ac praeterea gratiam postulavit celebrandi sine cantu Missam conventualem his diebus, quibus alias Missas ex peculiaribus fundationibus praeter praescriptas a Rubricis canere obligaretur.

Rogatus Archiepiscopus eius dioecesis respondit : in ecclesiae ac populi spirituale bonum alternativam choralem de qua in pre- cibus futuram se existimare; ita enim fieri inquiebat, ut altera pars Capituli, quod viginti Canonicis atque sex Mansionariis con- stabat, suam operam impendere posset in alias ecclesias, in pia et ecclesiastica instituta, cum extra Capitulum non suppeteret Clerus, qui spiritualibus duodecim fere animarum millium neces- sitatibus praesto esse posset. Alternativam tamen methodum diebus tantum ferialibus circumscribendam esse, exceptis vide- licet diebus Dominicis, diebus festis primae et secundae classis, itemque Sanctorum protectorum ac ecclesiarum titularium cum singulorum octavi». Ad cantum vero Missae Conventualis quod spectat, nihil fore innovandum opinatus est; quod si plures Missas cantu celebrari contigeret, ingressus in chorum ante consuetam horam fieri posset.

Die 28 Martii 1857 S. C. C. his precibus sic respondit: Pro gratia reductionis servitii chori iuxta votum Archiepiscopi, excepto etiam tempore Adventus et Quadragesimae, facto verbo cum SS.mo. Quo vero ad dispensationem a cantu Missae Conventualis, lectum. Relato responso per Secretarium ad SS.mum Patrem, Pontifex pro gratia annuit, sed voluit quoque exceptum diem comme mo- rationis omnium defunctorum.

Eiusmodi gratiam in acceptis habentes Capitulares, preces tamen hisce postremis annis renovarunt postulantes, ut obligatio conveniendi omnes in chorum diebus primae ac secundae classis transferretur potius in dies duplicis, ut aiunt, vel simplicis prae-