378 DECRETUM

famam reliquit. Verum non haec satis. Etenim iam innui Censo- rem optimum immerito de examinis theologorum defectu questus movere. Etenim qui primas editi operis facies evolvat, advertit non prius hanc vitam in lucem venisse, quam duo religiosi viri theologica scientia praestantes eius revisionem peregerint, atque praecesserit de more ecclesiasticae auctoritatis probatio.

Relate ad testationem beati de Rubeis cui innituntur testes complures, defensor Censori respondit : cum Beatus de Rubeis ante Ioannis Andreae Parisii nativitatis diem ortus sit, ac longe post iuvenis sacerdotis obitum vitam protraxerit, testatio haec est documentum Beat i , qui de alterius Servi Dei sibi aetate coaevi, atque iisdem sacri ministerii laboribus comitis indefessi, heroicis virtutibus testimonium dicit. Quanta itaque attestationis dignitas ac fides, cum sanctus de sancto testetur !

Attamen quae beatus de Rubeis in hoc documento poste- rorum memoriae mandavit non sufficiunt Censori optimo, qui subsequitur. « Licet quaedam Ecclesiastico digna viro in hoc » documento praedicentur, haud tamen ita amplam ac numeris » omnibus absolutam viri imaginem exhibent, ut praesens iu- » dicium per illud absolvi possit. » Verum primo advertendum, nos non unum hoc documentum ad iudicium absolvendum at- tulisse. Adsunt enim testium examina, adsunt virorum scientia ac pietate illustrium testificationes, adsunt commentarii Vasellii manu exarati, ac tandem vita a clarissimo Sotio typis edita. Hinc si de fama sanctitatis post obitum in documento b. de Rubeis ser- mo non est: de ea loquuntur praecitata monumenta, eamque num- quam interruptam ad nos usque pervenisse demonstrant. Quin imo haec eadem Beati de Rubeis testificatio, post Dei Famuli obitum exarata praeclarissimum ex se ipsa argumentum est, pium iuvenem ad superos evectum, eximium virtutum sanctimoniaeque nomen reliquisse.

At verum ne est, quae in hoc documento leguntur eiusmodi esse, ut quaedam tantummodo ecclesiastico viro digna praedi- cent ? Recolendum est beatum Ioannem Baptistam de Rubeis attestationem reliquisse, non historiam ; hinc frustra quis in ea requireret adeo graphicam explicitamque singularum vitae actio- num descriptionem , prout biographorum est ; ac in commen- tariis Vasellii vel Sotii typis edita vita reperitur. Qui testifica- tionem emittit super cuiusdam Dei Famuli gestis egregiis, non- nisi quaedam ad heroicas eius virtutes pertinentia complectitur.