3 7 8 E X S - G - R I T U U M

ut sub eius disciplina plures religiosi sanctitate vitae ac virtu-

tum profectu emicuerint. Neque alia vitae ratione usus est Dei

Servus dum Vicarii conventus obivit officium, cui etiam accessit

divini Verbi ad populum dispensatio, dominicalis puerorum

institutio, assidua sacramentorum administratio. Verum anno

aetatis suae sexagesimo sexto Franciscus apoplético morbo

laborare coepit, qui ultra progrediens ferme per decennium

eius corpus vexavit. Hunc statum patientissime tulit verus

Christi discipulus, qui virtutem in infirmitate et in tribulatione

magis perfici ac roborari optime noverat. Tandem senio ac

morbo confectus die xxxi Decembris in Domino placidissime

obdormivit; eiusque corpus suavem exhalans odorem, post

triginta septem dies adhuc incorruptum repertum fuit ingenii-

que cleri et populi concursu, post decennium, a communi se-

pulcreto ad Ecclesiam coenobii translatum. Inde factum, ut su-

per fama sanctitatis vitae, virtutum et miraculorum Servi Dei

magis in dies clara in Neapolitana Ecclesiastica Curia Ordinaria

Inquisitio ad iuris tramites peracta, et in Actis Sacrorum Ri-

tuum Congregationis exhibita fuerit. Quum vero Sanctissimus

Dominus Noster Leo Papa XIII, instante Riîio Postulatore huius

Causae cum supplicibus litteris Emorum S. R. E. Cardinalium,

atque plurium Rmorum Sacrorum Antistitum, necnon Rmorum

Capitulorum et Religiosorum Ordinum, benigne induxisset, ut

Dubium de signanda Commissione Introductionis Causae Servi

Dei proponi ac discuti valeret in Ordinariis S. Rituum Congre-

gationis comitiis absque interventu et voto Consultorum ; id

actum fuit quum in Coetu ad Vaticanum habito die XXVIII

Iulii MDCCCLXXXVIII, tum in altero subsignata die coadunato, in

quo iterum proposito dubio ab Emo et R m o Dno Card. L. M.

Parocchi Episcopo Albanensi et Causae Ponente, Emi et Rmi

Patres, audito voce et scripto R. P. D. Augustino Caprara S. Fidei

Promotore, rescribendum censuerunt: Affirmative ; seu signan-

dam esse Commissionem, si Sanctissimo placuerit. Die x De-

cembris MDCCCXCV.