Sacra Congregatio Rituum 379

16 Aprilis mensis anno 1879, aetatis suae trigesimo sexto, ab inchoata

religiosa vita duodecimo.

Quae vero eatenus velut sub humilitatis modio delituerat, illico post eius

mortem mundo lucere visa est. Quare Ordinaria auctoritate de virtutum

et miraculorum fama processus sunt adornati, et ad Urbem deducti. Vene-

randae memoriae Pius Papa X causae introductionis Commissionem sua

manu die 13 Augusti mensis anno 1913 signavit. Apostolica deinde auctori-

tate super virtutibus et miraculis fuere constructi processus et, iuris ordine

stricte servato, Ssmus D. N. die 14 Iunii mensis anno sacro 1925 Venerabilem

Dei famulam Beatorum fastis adscripsit. Quum nova viderentur a Deo, ea

intercedente, miracula esse patrata, causa die 9 Iunii mensis anno 1926 fuit

resumpta, et miracula per decretum, die 31 Maii mensis hoc anno latum,

approbata. Ut ad optatum finem, ad canonizationem nempe, causa haec

progredi posset, unum supererai discutiendum dubium: An, stante appro-

batione duorum miraculorum post indultam Beatae Maria Bernardae Soubi-

rous venerationem, tuto procedi posset ad sollemnem, praedictae Beatae Cano-

nizationem. Quod a R m o Cardinali Alexandro Verde causae Ponente seu

Relatore in generalibus Sacrae huius Congregationis comitis, die 27 nuper

elapsi mensis coram Ssmo D. N. habitis, fuit propositum. Sacri huius coetus

Patres Cardinales, Officiales Praelati et Consultores unanimi consensione

in aífirmativam concessere sententiam. Beatissimus vero Pater aliquantisper

cunctandum esse duxit, ut in re tam gravi divini luminis copiam imploraret.

Ut autem decretum hoc promulgaretur diem hanc, Dominicam IV post

Pentecosten, suavissimo Visitationis festo sacram, Sanctitas Sua elegit feli-

citer. Sicut enim hoc in eventu Beatae Mariae Virginis humilitas, per eius

divinae maternitatis revelationem fuit a Deo exaltata, et per Eamdem Bap-

tista sanctificatio fuit, ita hodie ad canonizationis honores, Beata Maria

Virgine velut manu ducente, per Summi Pontificis oraculum, humillimam

Mariam Bernardam Soubirous properare toto orbe plaudente conspicimus.

Devotissime itaque sacrosancto Eucharistico sacrificio litato, arcessitis

Emis Cardinalibus Camillo Laurenti, S. R. C. Praefecto et Alexandro Verde

Causae Ponente seu Relatore, nec non R. P. Salvatore Catucci Fidei Pro-

motore generali meque infrascripto Secretario, eisque adstantibus, pronun-

ciavit: Tuto procedi posse ad sollemnem Beatae Mariae Bernardae Soubi-

rous Canonizationem.

Hoc autem decretum promulgari et in S. R. C. acta referri mandavit

die 2 Iulii anno Domini 1933.

C. Card. LAURENTI, Praefectus. L. j$f S.

A. Carinci, Secretarius.