Ex S. C, Concilii

EX S. CONGREGATIONE CONCILII

METEN.

Episcopo Metensi datur facultas dispensandi ab applicatione missae « pro populo » in diebus festis suppressis, necnon permittendi perceptionem eleemosynae secundae missae.

Beatissime Pater, Episcopus Metensis S. V. quae sequuntur devotissime ex-

ponit: Post restaurationem cultus catholici initio saeculi xix ab Episcopo Metensi in aedibus conventus quondam Eremi- tarum S. Augustini in oppido Bitensi (vulgo Bitsch nuncu- pato) consentiente Municipio loci, cui post spoliationem rerum sacrarum in Gallia proprietas dicti conventus attributa fuerat, instauratum est pium Institutum a S. Augustino nuncupatum, ad informandos uteris et pietate pueros qui clericali militiae nomen dare intendebant. Lapsu vero temporis vetustate col- labuntur aedes conventus S. Augustini, quin ab Episcopo potuerint refici, cum sint proprietas Municipii, et insuper pro- pter vetustatem vix opportune refici queant. Gubernium etiam civile iterum atque iterum ab Episcopo petivit, ut nova domus aedificaretur Instituti necessitatibus et scholarum usui magis accommodata. Episcopus igitur necessitate coactus, statuit in territorio eiusdem oppidi novam ex toto aedem erigere, quae omnino respondeat scopo Instituti. Huius autem domus aedi- ficandae impensae computantur ad fere 8 0 0 , 0 0 0 francorum, summam quibus solvendis aerarium dioecesanum omnino im- par est. Porro eum in finem intendit Orator Episcopus an- nuam collectam in sua Dioecesi indicere et sperat fore ut fideles libenter ad iuvenes clericos informandos pecuniam con- ferant.

Ulterius autem a S. V. postulat ut sibi facultas conce- datur qua Parochis et coeteris sacerdotibus Dioecesis con- cessio fiat: i) accipiendi stipendium pro secunda missa, quam