QUAESTIO XVIII.

Utrum ipsum caelum vel primum mobile moveatur a voluntate pure intellectuali et intransmutabili?

Aphrod. hic num. 30. Avero. 2. Metaph. com 36. S. Thom. lect. 9. Duranti. 2. dist. 7. quaest. 5. Bassol. ditt. 14 . quaest. 2. llerv. ibid. quaest. 1. arti i. Mayron. 1. dist. 43. quaest. 5. Aureol. 2. dist. 7. q. 2. Gandav. quadl. 13. quaesl.6. Conimb. supra citati quaest. 7.

Videtur quod non : voluntas intelligitis est actus universalis, sed motus et operatio sunt circa singularia ; ergo motus caeli non est a voluntate intellectuali.

Item, omne novum ab aliquo transmutabili procedit, si enim producens non transmutaretur non produceretur magis nanc quam post.

Item, si movens caelum non esset transmutabile, non esset assignare, quare nunc produceretur una pars motus etalia non.

Oppositum dicit Aristoteles, dicit enim quod omnes substantiae immateriales sunt intransmutabiles.

Ad illud dicit Avicenna, quod motus caeli est a voluntate transmutabili; motus enim in recto causa remota seu renovata est. Requirit igitur aliquam causam intelligentem remotam, sicut patet in motu gravis deorsum: causa enim quare grave nunc est ibi, nunc hic, est, quia nunc magis distat a termino, et nunc minus. Similiter in proposito, nunc est una pars mota, nunc alia, quia voluntas movens remota est.

Item, non videtur esse verum, quod effectus sempiternus et uniformiter se habens a causa proce dat transmutabili, nunc autem motus caeli sempiternus et uniformis est voluntarius: ergo procedit a voluntate uniformiter se habente.

Praeterea, motus unus est a motore uno; sed si voluntas movens innovaretur per innovationem partium ipsius motus, tunc cum partes motus sint infinitae, quasi infiniti essent motores, et per consequens esset unus.