382 • Acta Apostolicae Sedis .-. Commentarium Officiale

Pius Pp. V ad ecclesiam transtulit Sancti Basilii in regione Montium.

Huiusmodi dein Instituto Cathecumenorum et Neophytorum Gregorius

Pp. XIII anno MDLXXXII templum B. Mariae Virginis ad Montes nuper

erectum tribuit; ac tandem urbani Pp. VIII temporibus Antonius Car-

dinalis Barberini, ipsius Pontificis germanus frater, domum extruendam

curavit memorato templo adiectam ut in eadem suam ac satis amplam

sedem definitive haberet praefatum Pium Institutum; cui-usque ad sae-

culi deciminoni fere medietatem unus tantum Cardinalis Patronus iugiter

praefuit. Sed anno MDCCCXLI Gregorius Pp. XVI, exceptis Cardinalis

Protectoris tunc temporis existentis precibus, ut memorati Instituti ra-

tionibus consuleret, statuit illius regimen pluribus clarissimis committere

viris, qui, in eodem Instituto Apostolicam Visitationem in rebus tam spi-

ritualibus quam temporalibus agentes, conlatis inter se consiliis, in

eiusdem Instituti prosperitatem incumberent. Tres itaque Sanctae Roma-

nae Ecclesiae Cardinales idem Pontifex elegit, eosdemque constituit

enunciati Cathecumenorum ac Neophytorum Instituti Visitatores Aposto-

licos, illisque in rebus quibusque tum spiritualibus tum temporalibus

omnes et singulas necessarias atque opportunas facultates tribuit, ut ea

omnia decernere ac gerere valerent quae magis in Domino pro bono Insti-

tuti ipsius expedire censuerint. Apostolica haec Visitatio usque ad ho-

dierna tempora viguit; at, rebus omnibus maturo studio perpensis, cum

nihil utilius, nihil opportunius censuimus quam tanti momenti negotium

uni tantum Sanctae Romanae Ecclesiae Cardinali committere, nempe

Almae Urbis Nostro Generali Vicario, qui proinde Pii Instituti Cathecu-

menorum et Neophytorum iisdem facultatibus, quibus Visitatio Aposto-

lica memorata fruebatur, regimen gerat. Quapropter motu proprio, certa

scientia ac matura deliberatione Nostris, hisce Apostolicis Litteris per-

petuumque in modum, ex nunc Sanctae Romanae Ecclesiae Cardinalem,

Nostrum Alma in Urbe atque in eius districtu Vicarium Generalem, pro

tempore existentem, eligimus et constituimus Cardinalem Protectorem

seu Visitatorem Pii Instituti Cathecumenorum et Neophytorum, qui

unus et solus omnibus iuribus, facultatibus atque indultis, servatis ser-

vandis, iuxta Codicis Iuris Canonici normas, gaudeat, quae Apostolicis

Litteris statuta sunt, atque iis praesertim quae Apostolicis Litteris sub

anulo Piscatoris supra memoratis Gregorii Pp. XVI iam tribus Eminen-

tissimis Cardinalibus Visitatoribus concessa sunt. Omnibus propterea

et singulis, ad quos spectat, mandamus ut eidem Cardinali, Generali

Almae Urbis Vicario, praedicti Instituti Cathecumenorum et Neophy-

torum Protectori seu Apostolico Visitatori, eo quo par est obsequio oboe-

diant ac praesto sint, eiusdemque mandata excipiant ac diligenter im-