382 Appendix X

competunt, ad quas, occurrente illarum vacatione, Episcopi et Ar- chiepiscopi praefati personas per examen concursu mutuo habito iuxta dicti Conc. Trident, formam approbatas et magis idoneas non elegerint, aut electas nobis vel successoribus nostris, aut iis, ad quos collatio spectabit, pro collatione obtinenda intra quatuor mensium spatium a die illius vacationis non significaverint, nec non parochialium ecclesiarum similium, quae iurispatronatus ecclesiastici, vel laicorum seu Clericorum et Laicorum simul fuerint, si praesen- tatus intra tempus eisdem patronis a iure praefixum praevio examine iuxta formam dicti Concilii approbatus petatur institui, institutoque ipsa per duos menses a die praesentationis dilata fuerit, collationem, provisionem, institutionem et omnimodam dispositionem nobis et ipsi Sedi, ac personis indulta huiusmodi conferendi, providendi, seu insti- tuendi obtinentibus respective reservamus, data tamen in parochia- libus iuris patronatus optione ipsis patronis, ut, si institutio ad Ordi- narios spectabit ipsis Ordinariis illam facere negligentibus et ultra dictos menses differentius possint pro huiusmodi institutione obti- nenda habere recursum ad Metropolitanum, vel viciniorem Ordina- rium, aut ad Sedem Apostolicam.

« § 5. Prohibentes etiam eisdem Ordinariis, ne tempus decem dierum eisdem Ordinariis et patronis ab eodem Concilio Trident, ad nominandum idoneos clericos coram deputatis examinatoribus praefi- xum, ultra alios decem dies prorogare audeant vel praesumant.

« § 6. Districtius inhibentes, ne quis praeter Romanum Pontifi- cem, aut alios indulta huiusmodi obtinentes, ut praefertur, quacum- que sit super hoc auctoritate munitus, de huiusmodi beneficiis sic reservatis (ut praefertur) disponere, vel circa illa etiam per viam permutationis vel alias innovare quoquomodo praesumat.

« § 7. Ut autem non solum dignis, sed magis idoneis repertis iuxta eiusdem Concilii decretum parochiales ecclesiae conferantur, volumus et eadem auctoritate decernimus, quod si Episcopus minus habilem posthabitis magis idoneis elegerit, possint ii, qui reiecti fue- rint, a mala electione huiusmodi ad Metropolitanum, vel si ipse eli- gens Metropolitanus aut exemptus fuerit, ad viciniorem Ordinarium uti nostrum et: Sedis huiusmodi delegatum, aut alias ad ipsam Sedem Apostolicam appellare; ac praeelectum ad novum examen coram ipso appellationis iudice et eius examinatoribus provocare, et constito de prioris eligentis irrationabili iudicio, eoque revocato, parochialis magis idoneo per eumdem iudicem appellationis auctoritate nostra (quatenus collatio ad Episcopum, a quo appellatum fuit, spectaret) conferatur, alias eidem magis idoneo per iudicem appellationis appro- bato conferenda, remittatur ad eum, ad quem collatio, provisio vel institutio spectabit.

« § 8. Haec tamen appellatio interposita interim non impediat aut suspendat, quo minus electio per Ordinarium primo loco facta