382 EX S. C. DE PROPAGANDA FIDE

iura, religionis bonum atque ipsius reipublicae emolumentum

postulant. Capessenda tamen alacriter opportunitas, nec eorum

Catholicorum tutela deserenda. Quapropter sacrum hoc Consi-

lium, in re tanti momenti, cohibere vocem non potest, qui erecta

iam in id catholicorum ac praesertim Episcoporum Canaden-

sium studia confirmet magisque accendat; ac dum meritis hò-

nestat laudibus sedulam in huiusmodi causam iam collatam

operam, simul animum addit ut pro viribus incoeptum nobilis-

simum prosequentes, ad felicem exitum perducere adnitantur.

Falso quippe quorundam mentibus ea opinio incessit, nihil

periculi in scholis quas neutras vocant adesse, easque sine

discrimine a Catholicis pueris posse frequentari. Etenim aliis

omissis eae quae neutrae scholae dicuntur, eo ipso quod ex

ambitu suo exclusam una cum aliis veram etiam religionem

faciant, gravem huic iniuriam inferunt, quum ab illo principe

loco deturbatur, quem quum in omni humanae vitae consue-

tudine, tum maxime in iuventutis educatione habere debet.

Nec est asserere privata parentum cura huic defectui posse

sufficienter suppleri. Id scilicet remedium mali esse tantum ex

parte poterit sed educationis illius sine Deo in scholis traditae

vitium pessimum non excusat. Cui et illud addatur, religionis

dignitatem in puerorum existimatione imminui oportere, si illa

veluti publico honore carentem intra domesticos parietes rele-

gatami viderint. Quid vero si parentes desidia aut occupationibus

impediti, remissius, ut fieri solet, agant; neque extra discipli-

nam a liberis in scholis habitam, eorum religiosam institutio-

nem, sive per se, sive per alios satis curent?

Quamobrem nihil ferme ad fidem praeservandam in popu-

lis consultius fieri potest, hoc praesertim tempore quum eam

tot errorum procella impetitam videamus, quam ope Catholi-

carum scholarum religionem ac pietatem in teneris puerorum

animis inserere, excolere et munire, ita ut una cum litterarum

rudimentis ac liberalioribus disciplinis christianae vitae instituta

alte recipiant, firmaque in reliquum vitae cursum retineant. In