384 Appendix X

« 2. Porro initio ducto a dispositione iuris, notum est quod Sacrum Concilium Tridentinum sess. 24, cap. 18, de Reform, novam formam induxit in collatione Parochialium; voluit enim, quod fieret Concursus, quod Concurrentes examinarentur ab Episcopo, vel ab eius Vicario Generali, et ab Examinatoribus synodalibus, non pau- cioribus, quam tribus; quod Episcopus eum eligeret, quem caeteris magis idoneum iudicaret, habita ratione aetatis, morum, doctrinae, prudentiae, et aliarum qualitatum, quae sunt opportunae ad guber- nandam ecclesiam parochialem, et quod Examinatorum relationem nulla devolutio, aut appellatio, etiam ad Sedem Apostolicam, impe- dire valeret in suspensivo. Praeterea notum est etiam quod Sanctus Pius quintus in sua constitutione In conferendis, ut non solum dignis, sed magis idoneis parochiales ecclesiae conferrentur, decrevit, quod si Episcopus minus habilem, posthabitis magis idoneis, elegerit, pos- sent ii, qui fufssent reiecti, a mala huiusmodi electione, ad Metro- politanum, vel ad Sedem Apostolicam appellare, et praeelectum ad novum examen coram ipso appellationis Iudice, et eius Examinato- ribus provocare, et constito de prioris eligentis irrationabili iudicio, eoque revocato, quod Parochialis conferatur magis idoneo, et quod denique appellatio interposita interim non impediat, aut suspendat, quominus electio, per Ordinarium primo loco facta, interim debitae demandetur executioni. Totum hoc legitur in § 7 et 8 dictae Bullae ; quocirca post Bullam memoratam, cessat controversia, quae olim aderat, an scilicet appellari tantum posset a reprobatione Examina- torum, vel etiam ab electione atque iudicio Episcopi; appellatio siquidem ab electione et iudicio Episcopi expresse admittitur in memorata Piana Constitutione, uti bene pondérât Fagnan. in cap. Eam te, a num,. 24 usque ad 29 de aetate et qualitate.

« 3. Transeundo ad praxim, eadem exponitur sequentibus asser- tionibus.

« 4. Prima est, quod appellans a mala electione Examinatorum, vel irrationabili iudicio Episcopi, potest electum provocare ad novum examen, absque eo quod de irrationabilitate ullum afferat documen- tum, ullamve probationem. Ita fuit resolutum ab hac Sacra Congre- gatione in quadam Causa Pistorien. 12 iunii 1603, et resolutio est impressa apud Fagnan. in allegato cap. Eam te, num. 31, de aetate, et qualitate, ubi postquam Sacra Congregatio ponderavit, Pianam Constitutionem permittere appellanti, ut provocet ad novum exa- men, et postquam decrevit, quod constito de Episcopi eligentis irra- tionabili iudicio, Parochialis magis idoneo conferatur, subdit, loquendo de dicta Constitutione: Satis manifeste requirit novum examen ad huiusmodi irrationabile iudicium cognoscendum, ita ut non sit necesse de illo constare antequam decernatur examen, sed absque eo quod de tali iudicio irrationabili constet, illud debere decerni, ut per exa- men perveniatur ad cognitionem irrationabilis iudicii. Concordat alia