QUAESTIO XX. Utrum Intelligentiae differant specie

?

Bonavent. 2. dist. 9. art. 2. et dist. 5. i. pait, art. 2. q. 1. S. Thom. hic lect. 4. et 2. conlra genles cap. 93. ratione 4. et quaest. 6. de potent. art. 6. in fine et i. part, quaest. 50. art. 4. Alensis 2. part. quaest, i.O. mcmb. 6. art. 1. ei 2. Gabriel. 2. dist. 3. quaest. 1. art. 2. concl. 2. al 3. Martii, quwst. 3. art. 1. Richard. 2. dist. 3. art. 3. quaest. 1. Vasq. in 1. part. disp. 181. Suar. lib 1. de Angelis cap. 11. et in Metaph. disp. 35. sect. 3. a num. 43.

Videmur quod non : Quae conveniunt in hoc quod in eis est nobilissimum, in specie conveniunt, nam differentia specifica accipitur ab eo quod est nobilissimum; sed omnes Intelligentiae conveniunt in intellectualitate, quod est nobilissimum ; igitur, etc.

Item, magis et minus non diversificant speciem, sed intelligentiae solum differunt secundum magis et minus: differunt enim per hoc quod quaedam sunt spiritualiores et universaliores intellectus: ergo non diversificantur in specie.

Item, anima humana et Intelligentiae distinguuntur per oppositum, sed omnes humanae animae sunt unius speciei: igitur Intelligentiae non erunt unius speciei.

Ad oppositum, in eadem specie non inveniuntur aliqua differre secundum prius et posterius; sed Intelligentiae distinguuntur secundum prius et posterius, secundum auctorem de Causis, et secundum ordinem motuum per Philosophum in littera; igitur, etc.