Acta Pii Pp. XII 3 8 5

terram decideret; neque moriens, intrepidus athleta Christi, huius se

asseclam esse desiit confiteri. 28. M a r i a K q u o - L i - C h e u , altera quasi ma-

ter Machabaeorum, novem e necessariis suis in locum supplicii comitata,

ad animi constantiam confirmavit. Petiit, ut ceteri antea caederentur;

denique, quos ad caelum praemiserat, eos eximia femina est subsecuta.

29 . I o a n n e s O u - W e n n - Y i n n . catecheseos christianae magister in pago

Tong-Keou, cum noluisset ad ethnicos deficere, capitis damnatus est.

30. T c h a n g - H o a i - L o u , catechumenus, conantibus quibusdam ipsum ser-

vare, quod Christianus non esset, palam pronuntiavit : « Christianus

sum », atque ilico ferro traiectus, sanguinis sui lavacro Ecclesiae coetui

est aggregatus. 3 1 . M a r c u s K i - T ' i e n - S i a n g , e loco Ye-tchoang-tfeou,

triginta annos ab Eucharistico convivio prohibitus erat, quod noxio opii

usu noluerat abstinere. Tamen statas Deo adhibere preces piumque vi-

tae exitum implorare haud intermisit. In iudicium vocatus, Fidei con-

stanti animo haesit atque, martyrio purgatus, ad regias Agni dapes

vocatus est. 32 . 33 . 34. 3 5 . A n n a N a n - S i n n - C h e u , M a r i a N a n - K o u o -

C h e u , A n n a N a n - T s i a o - C h e u , M a r i a N a n , quae et L i n g - H o a , quattuor

ex eodem genere feminae, pagi Tchai-iieow-seu incolae, cum nullo modo

adduci potuissent, ut ad impietatem fierent transf ugae, cruenta caede pro-

st ratae sunt. Ex quibus Maria Nan, virgo annos nata quinque et viginti,

praecipuo religionis studio commendabatur. 36 . P a u l u s L i o u - T s i n n - T e i ,

vir provecta aetate, quamvis ceteri pagi Lang-Tze-kiao cives nominis ca-

tholici fugissent, ipse tamen solus permansit, altum, quo praestabat, ani-

mum ad martyrium componens. Nova igitur indutus veste, Marialem

coronam precumque librum manu tenens, insectatoribus obviam prodiit

eosque christiano more salutavit. A quibus ilico interfectus, ad super-

num convivium, nuptiali veste decorus, introivit. 37 . 38. I o s e p h u s W a n g -

K ' o e i - T s u , I o a n n e s W a n g - K ' o e i - S i n n , necessitudine coniuncti, oblatam

facultatem levi mendacio vitam servandi aspernati, huic gloriosam pro

Christo mortem anteposuerunt. 39 . T h e r e s i a T c h a n g - H e u e - C h e u , ad

ethnicorum numinum aedem rapta, iis reverentiam praestare noluit;

quare una cum duobus filiis hastae cuspide est transfixa. 40. 4 1 . L a n g -

Y a n g - C h e u eiusque filius P a u l u s L a n g - E u l l magno animo spiritum

Deo impenderunt; mater enim, catechumena, Christianam se impavide

professa, post multas acceptas plagas in domus suae incendium, a per-

cussoribus excitatum, quasi in rogum una cum parvulo iniecta est. 42.

4 3 . E l i s a b e t h a et S i m o n T s i n n , eius filius, e vico Pei-lao, non minoris

virtutis exemplo insatiabilem vicerunt hostium crudelitatem, et, quos

vita coniunxerat, neque pia mors separavit. 44. P e t r u s L i o u - T z e u - U ,

25 - ACTA . vol. XXII, n. 8. - 2S-6-1955.