Reintegrationis in paroeciam 385

REINTEGRATIONIS IN PAROECIAM.

Die 23 martii 1878.

Compendium facti. Cuidam Galliarum Episcopo innotuit Sacerdotem Dominicum M. parochum amovibilem (vulgo des- servant) loci S. lapidum commercium exercendo, scandali suo populo esse, ac ob suum inquietum ingenium causam iurgüs persaepe dare, atque effecisse, ut quaedam soror pii instituti, Doctrinae Christianae, quae in paroecia puellarum instructioni atque educationi vacabat, dictum locum desereret. Quapropter antistes Dominicum monuit ut a lapidum commercio cessaret, simulque diceret quanam praecise de causa praefata soror suam paroeciam reliquisset. Illico sacerdos coram suo Episcopo stetit, ut ab his accusationibus sese purgaret.

Sed parum profecisse videtur, namque paucos post menses ad ipsum pervenerunt litterae a Curia Episcopali datae die 7 iunii 1874 , quibus eius translatio ad aliam minoris momenti paroeciam decernebatur. Obstitit parochus et interposita appel- latione ab eiusmodi decreto ad Apostolicam Sedem, a Curia petiit epistolas quas apostolos vocant, ut rem totam deferret S. C. Concilii. Elapso termino in Curiae litteris statuto ut priorem paroeciam desereret nonobstante appellatione, per sententiam iudicis pacis ipsi iniunctum fuit parochialem domum relinquere, intra terminum vigintiquatuor horarum. Tune ad novam paroeciam perrexit.

Ex hoc loco litteras Curiae dedit, declarans sese subiicere Episcopi iudicio, ac petens tabulas nominationis ad novam regendam Ecclesiam. Vicarius Generalis respondit in votis esse Episcopi, ut ante nominationis susceptionem, cum ipso collo- queretur et inde per dies quindecim spiritualibus vacaret exer- citiis. Nimium dura sibi mandari reputans Dominicus, prius obedire recusavit; sed cum Vicarius Generalis iterum scripserit sese alium sacerdotem in novam paroeciam missurum, si intra

Acta. tom. XI, fase. CXXVIII. 25