INFORMATIO 385

Aeta, Tom. XIX. fase. C C XXIV. 25

adfuit. Item alias dum ad aedem s. Mariae de Suffragio confitentibus praeberet aures, Servus Dei cuidam, cuius domus in Campo Martio, animam agenti adstitit usque dum spiritum efilaret. Testis vero 4 Ven. Elisabeth Sanna narrat se Dei Servum vidisse ad suos palmos in aere suspensum, et eum uno circiter horae quadrante ita mansisse, et alias dum de morte S. D. Bernardi Clausi simul loquerentur, vidit eum a terra elatum.

Gratia etiam sanationum mire praefulsit. Plurimi enim eius precibus ad sanitatem restitutos se laetati sunt. Testis 4 Elisabeth Sanna bra- chium sibi misere fregerai. Accersitus chirurgus nullam esse aliam nis in eiusdem amputatione salutis viam professus est. At Dei Servus paululum oravit, et effigie B. Virginis adhibita brachium signavit: dein ipsam bono esse animo iussit. Sequuto mane, cum iam ferrum chirurgus ex- pediret, conspectu brachio, attonitus haesit, cuius prodigiosam in melius mutationem, non humanae opis esse fassus est.

Miramur haec quidem et suspicimus, sed et istis virtutibus mira- bilius iudico, utor verbis s. Bernardi Serm. 13. in cantico, quod magna operantem se nesciret, et manifesta omnibus, sua cum esset, eum solum lateret Sanctitas. Cum igitur habeamus omnibus absolutam numeris heroicarum virtutum ad obitum usque exercitationem validissime per testes comprobatam, cumque huic tot charismata et dona illi a Deo collata accedant, dicendum plane est in earum virtutum testimo- nium impertita fuisse, ideoque humanum testimonium divino abunde cumulatum.

De fama sanctitatis s. d. in vita et p o s t obitum. Co- gnita atque explorata christianarum omnium virtutum praestantia, quibus S. D. mirum in modum effulsit, nec non eximiis donis atque charismatibus, quibus illum viventem illustravit Deus, supervacaneum foret ipsius sancti- moniae famam argumentis ac probationibus ostendere ; nam sicuti lucem flamma diffundit, ita sanctitatis splendor communem sibi parit hominum admirationem et famam. Verum ut haec solidius innotesceret, censuit defensor aliqua breviter addere de pervúlgala ipsius sanctimoniae fama, et palam ostendere eam, cum in vita, tum maxime post obitum, vere universalem et maximam, constantem, ubique diffusam, et praeclarissi- marum fundamento virtutum innixam semper extitisse, ut inde nimirum vehementius etiam et gravius ad sanctitatis et virtutum probationem ac- cedat argumentum. Nam ut memoriae prodidit Card. De Aguirre Disp. 12 de virt. heroic. quaest. 3. sect. 5. « Communis hominum fidelium admi- ratio continuata usque ad finem vitae de alicuius christiani et Ca- tholici hominis virtutibus per se induis, tum Theologicis, tum mora-