Pragen. 385

que invocari posse videtur benignior interpretatio ; non agitur enim de lege odiosa, sed de lege in maximam reipublicae christianae utilitatem prolata.

Attamen haec quae hucusque disputata sunt, locum ha- bere amplius non videntur, quando commorationis interruptio tanta sit, ut relate ad impedimentum contrahendum tempus consequens nullo modo cum antecedenti computari possit, ex. gr. si inter primum et alterum mensem integer annus intercesserit. Non agitur enim, in hoc tempore statuendo, de possibilitate in abstracto impedimenti contrahendi; hoc in casu etiam vel brevissimum temporis spatium sufficeret; sed ad ea quae communiter et frequentius, non ad ea quae raro contingere solent, respicit legislator; Avanzini, (Commenta- rium in Const. Apostolicae Sedis, n. 5 1 ) .

Quae autem interruptio haberi debeat sufficiens ut Episco- pus Ordinans tuto se dispensare possit ab onere requirendi has litteras testimoniales, a priori decerni nequit, sed potius ex locorum personarumque circumstantiis melius diiudicabi- tur. Quidquid sit, videant Emi Patres, utrum ad omnia dubia hac de re in posterum praecavenda, tutius foret si nulla habita interruptionis ratione, indiscriminatim huiusmodi litteras testi- moniales exigendas decerneretur, dummodo trimestre intra di- midium annum et semestre tempus intra annum completum fuerit. Nam in casu, quo haec inquisitio impossibilis vel irrita et frustranea evaderet, iam provisum est ab H. S. C. in citata Urgellen., 26 Ian. 1 8 9 5 . Quare etc.

Resolutio. S. C. Concilii, omnibus sedulo perpensis, die 25 Iunii 1 9 0 4 rescripsit: «Ordinarium non teneri sub poena suspensionis ad testimoniales exquirendas, nisi agatur de tri- mestri vel semestri moraliter continuis, salvo nire Episcopi in- quirendi super idoneitate promovendi et testimoniales exigendi pro -minori vel discontinua commoratione, aut exigendi iura- mentum suppletorium, si in Domino necessarium censuerit ».