LITTERAE 587

documentorum summam, studia vestra non tam esse oportere de adversariis coarguendis et revincendis, quam de fratribus, eisque non una spectatis laude, ad veritatem in vitandis, ad si- numque reducendis eiusdem matris. - Iam vobis, prout valde precamur, aspiret Deus et adsit continua ope; cuius accipite pignus in Apostolica benedictione quam singulis effusa caritate impertimus.

Datum Romae apud Sanctum Petrum die xv decembris anno MDCCCXCV, Pontificatus Nostri decimo octavo.

LEO PP. XIII.

-raS-i .0-l .ri5g-

EX S. CONGREGATIONE CONCILII

VASTEN.

M A T R I M O N I I

Die 23 Iunii 1895. Sese. 24 cap. 5 Be reform, matr.

COMPENDIUM FACTI. Maria Florentia Ranieri loci P agitela Vastensis Dioecesis 22 annos agens amore capta* est erga iuvenem Antonium Di Matteo, a quo vehementer redamata, mutuam, uti videtur, promissionem futuri matrimonii inter se spoponderunt.

At huiusmodi amorem puellae pater ita aversatus est, ut ipsa, iubente patre, sponsalia iniverit cum Florintho Ce- ricola eiusdem dioeceseos iuvene 16 annorum, quem pariter constat haec sponsalia voluntate parentum iniisse.

Peractis autem sponsalibus cum Florintho, amor inter Mariam et Antonium, adeo percrevit ut timeretur ne illa ab Antonio rapta esset ad matrimonium contrahendum. Qua- propter parentes ad tale periculum praecavendum statuerunt, quod Maria et Florinthus matrimonium quantocius inirent coram Ecclesia, hac cum conditione, ut sponsi, celebrato coniugio religioso, manerent separati unusquisque apud pro- priam familiam, usque ad celebrationem matrimonii, uti