388 Reintegrationis in paroeciam

Quoad primam causam afferebat litteras scriptas parocho

tura a Superiori Sororum a Doctrina Christiana, tum ipsius

nomine a Sorore adsistente, tum demum ab ipsa magistra

quae a paroecia discesserat. Contendebat defensor constare

ex prima, magistram fere triumphantem oppidum ingressam

fuisse opere praesertim parochi ; ex altera locum deseruisse

quia Maire ei formalem nominationem recusabat, debitam

mercedem ei non solvebat, et domus, quam Maire non restau-

rabat, insalubris erat; ex postrema palam fieri, non modo

parochum causam non fuisse discessionis magistrae, sed eam

beneficiis esse prosecutum, imo vero etiam ex aere suo illi

mercedem in antecessum persolvisse.

Quo vero ad causam commercii petrarum, inquiebat non

esse negotiationem ubi causa lucri cessat cap. ij, dis. 88:

quid est aliud negotium nisi quae possint vilius comparari

carius velle distrahere? Dominicum vero non lucri faciendi

causa cum quodam lapidicinarum magistro negocium habuisse,

sed ut faveret cuidam parocho, qui pro suae ecclesiae restau-

rationem exquirebat lapides melioris qualitatis. Ut haec lucu-

lentius ostenderet Orator proferebat litteras susceptoris ope-

rum ; attestationem illius viri, qui in statione viae ferreae lapidum

expeditioni praefuerat, ac tandem testimonium architecti qui

in huiusmodi petrarum negocio nullum compendium favore pa-

rochi reperiisse asserit.

Post haec quibusdam exhibitis attestationibus defensor cura-

bat purgare suum clientem ex accusationibus, quod esset

triplici iudiciali sententia damnatus; quod ob inconsideratos

sumptus aere alieno premeretur; et tanquam tribunus exci-

taret parochianoS in sui favorem ; quam rem, si vera esset,

magnum argumentum praebere subdebat, optimae existima-

tionis qua Dominicus in sua paroecia gaudebat.

Quapropter concludebat causas remotionis in casu minime

adesse, ideoque parochum recurrentem haud recte remotum

fuisse eo vel magis quod in casu conçurrebant causae malitiae,

odii, infamiae, scandali, damni propter quas iuxta interpretes