388 VASTEN.

dicunt, civilis, quod tunc celebrari non poterat ex defectu aetatis Florinthi.

Itaque, praedictae conditioni annuente Curia, Florinthus Cericola et Maria Ranieri die 18 Februarii 1888 in Paro- chiali Ecclesia loci P allieta matrimoniali foedere rite iuncti sunt et extemplo ad respectivam domum paternam ultro se receperunt. Verum, Maria animo post matrimonium non immutata, die 22 Maii eiusdem anni, derelictis parentibus, fugam cum Antonio arripuit inhonestamque cum eo tradu- cens vitam, mense Martio 1889 filiam peperit atque die 27 Decembris 1890 non abhorrait nefarium consortium civili vinculo arctius obstringere.

Tunc miserrimae suae conditioni solamen quaerens infe- lix Florinthus supplicem misit libellum ad Archiepiscopum Teatinum, Dioecesis Vastensis Administratorem, in quo enar- rabat matrimonium nullum fuisse ob defectum consensus ex parte sponsae, ac certe inconsummatum mansisse, ideoque enixis precibus rogabat Praesulem, ut canonicum processum super utroque capite confici curaret. Archiepiscopus statim die 18 Decembris 1891 tribunal constituit, eique propria auctoritate demandavit, nedum ut validitatis causam cogno- sceret, sed etiam ut de asserta inconsummatione matrimonii inquisitionem faceret. Quare Iudex delegatus, absoluto pro- cessu, mense Iulio 1892 sententiam sequentibus verbis pro- tulit: « . . . dicimus, pronunciamus et definitive sententia- mus matrimonium initum.... validum, et ratum esse: idem vero matrimonium, validum et ratum tantum esse, non vero consummatum etc. »

Ab hac sententia sacramenti vindex appellavit pro tuenda Sacramentalis vinculi indissolubilitate, simulque appellarunt partes ad obtinendam nullitatis sententiam, quam Episco- palis Curia non admisit.

Disceptatio synoptica

VOTUM THEOLOGI. Theologus, praemissa facti specie, contendit Curiam Episcopalem nullitatis sententiam iure