Acta Pii Pp. XII 389,

r urit; exequiae vero triumphum aequare visae sunt, cum frequens fide- lium multitudo non funebria cantica, sed hymnos canebat et preces ad Beatissimam Mariam Virginem, uti invocationem « O Maria, sine peccato concepta, ora pro nobis, qui ad te confugimus » ; « Ave, Maris Stella ». Die vero tertia Ianuarii sequentis anni, parentalibus absolutis, veneratae exuviae ad cryptam delatae fuerunt sacelli domus, quam in Reuilly Puel- larum Caritatis Societas habebat, eoque in loco, singulari a civitatis recto- ribus venia obtenta, humatae sunt, frequentissimo cleri populique devoti concursu, pueris puellisque, pauperibus senibusque plorantibus, qui Dei Famulae praecipue caritatem largiter experti fuerant. Sed ad sepulcrum concursus haud dubie Catharinae sanctitatis famam comprobare videba- tu r ; quae clarior in dies evasit et non Parisiis tantum, sed undique in Gallia et extra diffusa est, gratiis potissimum, eius invocato patrocinio, mirabiliter obtentis.

Quapropter in archipiscopali Parisiensi curia Processibus ordinariis super vita, fama sanctitatis, virtutum et miraculorum in genere, aliis- que super scriptis et super liturgico cultu eidem Dei Famulae non exhi- bito constructis, a sa. mem. Pio Decimo, Decessore Nostro, die duodecima Decembris mensis, anno millesimo nongentesimo septimo, Commissio Introductionis Causae sua ipsius manu signata fuit. Approbata dein fue- runt scripta et decretum editum super non cultu. Confecti sunt processus ex apostolica auctoritate, quibus rite probatis, anno millesimo nongente- simo vicesimo septimo et insequentibus, sueta habita sunt comitia, quae antepraeparatoria et praeparatoria vocantur; quibus peractis, tandem die septima Iulii mensis anno millesimo nongentesimo trigesimo primo coram fel. rec. Pio Papa Undecimo, Causae Relatore et Ponente dilecto Filio Nostro S. R. E. Cardinale Alexandro Verde, omnes qui aderant Cardinales, Praelati et Consultores SS. Rituum Congregationis sua edi- derant suffragia super proposito dubio de virtutibus theologalibus et cardinalibus earumque adnexis a Ven. Dei Famula Catharina Labouré in gradu eroico exercitis. Die vero decima nona Iulii mensis eodem anno praefatus Decessor Noster solemniter edixit : Constare de virtutibus theologalibus Fide, Spe et Caritate tum in Deum tum in proximum, nec non de cardinalibus Prudentia, Iustitia,Temperantia, Fortitudine earum- que adnexis Yen. Servae Dei Catharinae Labouré in gradu heroico in casu et ad effectum de quo agitur.

Sed et miraculorum gloria humilem hanc verginem Deus illustrare dignatus est. Agitata igitur fuit quaestio de duobus sanationibus, quae veri miraculi praeseferre notas visae sunt, a Deo, Ven. Dei Famula Ca- tharina interveniente, patratis. Confectis itaque uti de more processibus,