390 Acta Apostolicae Sedis - Commentarium Officiale

« I L An saltem pro canonicis ceterisque qui ad choralem residentiam te-

nentur, tertia pars augmenti in casu sit inter distributiones computanda,

prout generatim de tertia parte assignationis cavetur in Codice ».

V O T U M CONSULTORIS - 1. Solutio dubii ex eo imprimis videtur pendere

quod accurate definiantur bona seu reditus ecclesiastici dotationem efficien-

tes. Iamvero hic dotatio certe intelligitur esse dos beneficii aut muneris;

inde quaerit Episcopus Canariensis an subsidium, nunc a Gubernio hispa-

nico concessum Auris ecclesiasticis canariensibus sit habendum tamquam accessio seu pars illius dotis. Dos vero vocatur etiam, et maxime iure Decre-

talium vocabatur, praebenda itemque beneficium; unde notissima regula:

beneficium datur propter officium; et hodie pariter in Codicis canone 1409

sic traditur notio beneficii ecclesiastici, ut dicatur constare duplici elemento,

videlicet officio sacro et iure percipiendi reditus ex dote officio adnexos.

Ergo dicamus effici dotem, vel dotationem consistere in ns bonis seu rediti-

bus ecclesiasticis qui obtinentur propter officium seu ratione aut titulo officii;

quippe qui sunt reditus aut bona ipsi officio adnexa, et competunt benefi-

ciario ex solo titulo vel ratione officii; ex eo nempe quod ipse beneficiarius

obtinet tale officium vel munus, ita ut beneficiario debeantur propter fun-

ctiones ecclesiasticas seu onera, generatim et complexive sumpta, quae con-

stituunt naturam illius officii seu muneris; non propter aliquod peculiare et

determinatum opus, aut servitium a beneficiario in aliquo casu praestitum,

nec propter alium titulum extrinsecum qui non pertineat ad rationem mune-

ris vel officii. Ideo ad dotem seu dotationem non sunt dicenda pertinere, nec

efficere partem dotis aut dotationis, alia emolumenta ecclesiastica vel redi-

tus quae obveniant beneficiario occasione alicuius actualis et determinati

servitii vel operis aut functionis exercitae, etsi opus vel functio exerceatur

vi muneris vel officii; adeoque minus si reditus vel emolumenta tribuantur

beneficiario ex causa tituli extrinseci qui cum ipsa ratione vel natura

officii proprie non connectatur.

2. Vulgata proinde est distinctio quae apud canonicos et quoslibet

beneficiarios capitulares fit inter fructus, proventus, reditus, vel qualicum-

que nomine vocentur, qui constituunt dotem seu praebendam canonicalem

aut beneficialem, et inter obventiones seu emolumenta quae audiunt distri-

butiones. De quibus haec leguntur apud Ferraris (Bibl., v. Distributiones

quotidianae): « Distributiones huiusmodi non veniunt appellatione fructuum

seu reddituum et proventuum istius vel illius beneficii, cum sint redditus

casuales et incerti qui acquiruntur labore et interventu in divinis, c. Licet, 32 ,

de Praeb.; cap. unie, de Cler. non resident, in 6; cap. Quoniam, 8 § In illis

de concess. Praebend. etiam in 6; Rot . part. 15 recent., dec. 61, n. 1; Cassad.,