335. De sancto Mauritio.

1. O Christe, palma martyrum,
Audi preces canentium
Devotione maxima
Mauritii praeconia

2. Ipsius ac satellitum,
Quorum pium collegium
Tempsit minas vesaniae
Ferocitatis regiae.

3. A solis ortu venerant,

Hostes ut armis comprimant,
Sed deferunt auxilia
Crudelitatis nescia.

4. Vitant ob id nefarium
Maximiani proelium,
Nolunt fideles persequi,
Ut jussu cogunt perfidi.

5. Tyrannus hoc intelligens,
Ritu leonis saeviens,
Dat bis decenos funeri,
Apostatent ut ceteri.

6. Sed signifer Mauritius
Et ductor Exsuperius
Per castra currunt, clamitant,
Deum timendum praedicant.

7. Praecepit inde perfidus
Princeps suis eohortibus,
Ut conterant exercitum
Totaliter Thebaicum.

8. Qui sempiterno debitas
Se reddiderunt hostias
Flexis piis cervicibus
Furentium mucronibus.

9. Hinc sancta turba militum
Effecta consors martyrum
Dira ruens sententia
Migravit ad coelestia.

10. Quorum piis precatibus
Gulpis piatis omnibus
Praestet superna gratia
Aeterna nobis gaudia.

11. Gloria tibi, Domine.