QUAESTIO XXIII.

Utrum primum principium sit suum intelligere ?

Vide Doctores citatos quaestione antecedenti, etc. Aureolum 1. dist. 35. jiart.1. art.3. diffic. 2. 3. et 4. Capriol. 1. disp. 35. quaest, 1. art.2. Ferrarien. 1. contra gentes cap. 50. Crijetan. 1. parti. quaest. 14. art. 5. Suarez. disp. 30. metaph. sat. 15. num. 14. vide Scot. 1. dist. 26 quaest, un. Ad2. principium, et quodl. 1. art. 1.

Videtur quod non : operatio dicit aliquid procedens ab alio, sed intelligere est quaedam operatio, et primum principium non procedit ab alio: ergo non est suum intelligere.

Item, si quis intelligit se intelligere, non intelligit aliquid principale, sed aliquid accessorium, sicut dicit Philosophus in primo capitulo; si ergo primum principium esset intelligere, esset aliquid accessorium et non quoddam magnum.

Item si esset suum intelligere, tunc intelligere se esset se intelligere. Et ulterius cum ipsum sit suum intelligere, erit intelligere se intelligere se, et sic in infinitum.

Oppositum dicit hic Philosophus.