Ex S. C. Consistoriali 3 g i

EX S. CONGREGATIONE CONSISTORIALI

NULLIUS SEU SANTAREMSIS ET BELEMENSIS DE PARA IN BRASILIANA REPUBLICA

NOVAE FINIUM DESIGNATIONIS

Limites Praelaturae Nullius seu Santaremsis in Brasiliana Republica erectae denuo constituuntur.

Decreto Consistoriali, cuius initium Romani Pontifices die 2 1 Septembris anno elapso edito, praevia dismembratione perampli territorii in parte septentrionali Brasilianae Rei- publicae prope trium Gaianarum Gallicae, Hollandiae et An- glicae fines siti e dioecesi Belemensi de Para, cui pertinebat, nova ex eodem condita est Praelatura Nullius seu Santa- remsis, cuius fines ita constituti sunt : ad Meridiem, flumen quod Amazonas vocant, qua ex parte ad Orientem vergit, usque ad Aequatorem, adiectis insuper civitate Santaremsi citra flumen posita insulisque Caviana et Mexiana ; ad Or- tum, linea aequatorialis iuxta Oceani Atlantici oras usque ad Orangicum seu Sancti Vincentii Promontorium, seclusa tamen «a territorii parte, quae circa idem Promontorium Gallicae Reipublicae subiacet; ad Boream, flumen Oyapoc seu Vin- cente Pinzón dictum usque ad montes Acaray, iuxta fines qui Brasilianam Rempublicam a tribus supramemoratis Ga- ianis separant; ad Occasum, flumen Iamunda usque dum in Amazonas influit. Ipsa vero in executione decreti erectionis compertum statim est descriptos fines minus apte adsignatos fuisse iuxta locorum fideliumque necessitates, ad iisque occur- rendum necesse esse, ut constituti fines latius protraherentur et novae evectae Praelaturae territorium magis amplum adiu- dicaretur ; cumque in rem R. P. D. Franciscus do Reyo Maria Cathedralis ecclesiae Belemensis de Para Episcopus assen- sum suum praestitisset, et Apostolicae Sedi supplicasset, ut