392 Appendix X

men, aut ex actis Concursus aut aliunde, et per documenta etiam extraiudicialia, antequam appellatio admittatur; videtur inquam, quod omnia praeiudicia cessent et inconvenientia, nihil quoque fiat adversus Concilium Tridentinum, aut Bullam Pianam, nec adversus sensum Sacrae Congregationis aut Rotae.

«22. Quod autem omnia praedicta demandando, cessent praeiu- dicia et inconvenientia, patet; quia si praesumptio est pro Episcopi iudicio, quoadusque contrarium doceatur, id totum verificatur in hypothesi, de qua nunc agitur, cum nec provocatio ad novum examen nec appellatio admittantur, nisi docto de gravamine. Rursus, si inconveniens reputatur, quod sine fundamento et ratione respon- deatur, quod constat de irrationabili iudicio Episcopi, ex quo Epi- scopus potuit rationabiliter existimare, quod aliquis in examine coram se peracto esset reprobandus, qui deinde in successivis exa- minibus approbationem meretur, absurdum hoc nullum sibi potest locum vindicare in eo rerum statu, de quo nunc agitur, cum in ipso irrationabilitas praelationis, in eo quod attinet ad litteraturam, magna ex parte desumatur ab examine peracto coram eodem Ordinario. Denique, si Parochorum absentia magnum tum ecclesiis, tum paro- chianis affert detrimentum, non erit absentia ita frequens, non solum quia frequentia ex temporis praefinitione ad interponendam appel- lationem, sed quod magis est, quia imposita lege de probando gra- vamine ex actis primi Concursus, antequam admittatur provocatio ad novum examen, non erunt provocationes adeo frequentes, et sic adeo frequens non erit absentia, quae ortum habet a provocatone ad novum examen.

« 23. Quod item praedicta omnia demandando, nihil committatur adversus Concilium Tridentinum aut: Bullam Pianam, dignoscitur, quia appellatio a mala relatione Examinatorum, nec non ab irratio- nabili iudicio Episcopi, de quibus in Concilio Tridentino et respe- ctive in Bulla Piana, praeservatur ; et ad eam tantum regulandam nonnullae adduntur conditiones, ut appellatio rite et recte admit- tatur.

« 24. Ultimo, quod nihil per methodum insinuatam inducatur contra sensum huius Sacrae Congregationis et tribunalis Rotae, ponitur in claris, cum in tantum in praeteritis fuerit dictum, esse locum provocationi ad novum examen absque ulla probatione gra- vaminis, in quantum gravamen ex actis primi Concursus desumi non poterat, nec alius aderat modus ostendendi gravamen, quam per novum examen: quae ratio nullum amplius sibi vindicat locum, quando taliter acta primi Concursus coniiciuntur, ut ex illis grava- men valeat desumi. Ad quod assumptum comprobandum mirifice confert, quod Sacra haec Congregatio, licet in resolutionibus et decretis indicatis et aliis, quae possent indicari, videatur, quod fuerit in sensu admittendi appellationem et provocationem ad novum exa-