VASTEN. 393

Mariam Florentiam Ranieri et Antonium Di Matteo, nullus datur dubitandi locus, esse in casu consulendum SSmo pro dispensatione super matrimonio rato et non consummato.

VOTUM CANONISTAE. Canonista animadvertit in primis, processum, licet in reliquis legalem formam praeseferre, du- plici tamen vitio infectum esse. Matrimonii nullitas ex eo petebatur quod Maria Florentia a patre coacta sub influxu metus reverentialis Florintho nupserat. Porro tralatitii iuris est in huiusmodi casibus de matrimonii nullitate inquiri posse tantum ad petitionem partis metum passae, ideoque Florínthum actoris iuribus caruisse. Ad hoc evincendum, praetermissis Canonistarum auctoritatibus, affert quae pro- stant in Instructione S. C. S. O. diei 20 Iunii 1 8 8 3 tit. 6, art. 3, quaeque ita leguntur: « Circa impedimentum quod vis et metus dicitur, ante omnia advertendum occurrit, ne- minem a iure admitti ad matrimonium ex hoc capite im- pugnandum, nisi qui violentiam et coactionem passus dici- tur. » Alterum vero defectum in eo esse, quod processus relate ad inconsummationem matrimonii inconsulta S. Sede confectus fuit; quod tamen minime fieri potuisset. Rem hanc pariter vulgatam esse, neque longa demonstratione egere, eamque erui a responso a S. C. nuper dato in Var- savien. 16 Iunii 1894 ad dub. 2, quo sancitum fuit non licere Episcopis sine speciali pro unaquaque vice S. C. per- missione recipere instantiam et instituere processum in or- dine ad efflagitandam super matrimonio tantum rato San- ctissimi dispensationem. Ex quibus concludit Archiepiscopum Teatinum sive ob non ius actoris, sive ex defectu iurisdi- ctionis non potuisse excipere petitionem Florinthi ac proinde super neutro capite valuisse causam cognoscere. Attamen cum mulier saltem implicite viri petitionem suam faciat, et plura benignae sanationis ex parte S. Officii praesertim quoad alterum vitium exempla suppetant, cumque processus in reliquis probari possit, putat indulgentiam adhibendam esse, ne, re in longius adhuc protracta, miserae conditioni, praecipue partis innocentis, tardius provideatur.