NEAPOLITANA 393

rati Ecclesiarum parochialium cum Cottis. Tum Ecclesiae Collegiatae, cum eorum Insignibus, si alia deferre solent. Ultimo loco procedit Clerus Ecclesiae Cathedralis etc.

» Si adsint Praelati procèdent immediate post Episcopum, cum Mantelletto supra Rochettum ».

Concordat Gavanto, Thesaurus SS. Rituum (1740) - tom. I, part. IV, Tit. XIII, § III de Processione solemni SS. Corporis Christi. - « Post eos autem praecedere debent Ecclesiarum parochialium Curati cum cottis et eorum In- signibus, si illa deferre soleant ; tum Ecclesiae Collegiatae, item cum eorum Insignibus - et deinde Clerus Ecclesiae Cathedralis.

» Si adsint Praelati in hac Processione et Nobiles Laici incedant post Celebrantem ».

Coeremoniale Episcoporum iussu P P . Clementis VIII re- formatum (1600) - de festo SS. Corporis Christi et Proces- sione (cap. XXXIII): « Deinde Clerus h. e. primo Minister portans Crucem Ecclesiae Cathedralis medius inter duos Cle- ricos portantes duo candelabra cum candelis accensis ; deinde si aderunt, Clerici Seminarii et post eos Curati Ecclesiarum Parochialium cum cottis - tum Ecclesiae Collegiatae cum eorum Insignibus, si alias illa deferre solent, et ultimo loco Clerus Ecclesiae Cathedralis ».

Demum Canonici negant Theologis quamcumque consue- tudinem et possessionem praecedentiae quam isti obtinuerint in sacris processionibus, eisdem recognoscentes dumtaxat Ca- pellanorum aulicorum qualitatem quoad functiones regias in quibus integer clerus Neapolitanus partes habere non fuit solitus. Item subtiliter plura disserunt de insignibus; sed quum exinde privilegium praecedentiae neque una, neque al- tera pars evincere valeat, proinde haec praetermittuntur.

PAROCHORUM DEDUCTIONES . Parochialis potestas est par- ticipatio pastoralis officii, quod de iure divino proprium est Episcopi. - Santi Tit. XXIX, Lib. III Praelectiones Iuris Canonici; Pignatelli Consult. 12, Tom. V, n. 19 loquendo de praecedentia ponit parochos post Episcopos.