340. De sancto Mauro Martyre.

1. Regum rex, Deus, omnium,
Audi vota petentium,
Sancti Mauri digna prece
Nos peccati munda faece.

2. Hic ex Africae partibus
Ortus relictis omnibus
Ire post Deum cupivit
Et invenit, quem quaesivit.

8. In aetate puerili
Mente senex et virili,
Spe coelesti jam repletus,
Gazas aegris dedit laetus.

4. Nocte somno Maurus datus
Per angelum excitatus,
Se praenovit Romae pati,
Quod concordat veritati.

5. Regnabat Numerianus

Christum negans ut vesanus,
Ejus praeses Celerinus,
Qui sceleris erat sinus.

6. Jusserunt viri ignari

Sanctum Maurum verberari
Et tormentis saevis dari,
Post tormenta decollari.

7. Hic athleta Dei fortis
Non effugit ictus mortis,
Sed sanctorum se consortem
Fecit, libens tulit mortem.

8. Tota laetetur Istria
Et prae cunctis Parentia
Tanta munita patrono,
Huc advecto Dei dono.

9. Doxa sit coeli solio
Deo patri et filio,
Cum spiritus unitate
Qui regnat in trinitate.