MONTIS PESSULANI 397

Sed secundo, posito etiam quod Martha Renard adhuc uti religiosa considerari valeat, Moniales sustinent ipsam in saeculo manere debere integre et omnino separatam a Congregatione ab Assumptione. Siquidem per epistolam diei 2 Decembris 1894 domina Renard facultatem expetivit à quitter définitivement la Congrégation de V Assomption, et Superiorissa Generalis, audito prius sororum consilio, per litteras diei 18 Ianuarii 1895, votis eius annuit ; ex eo proinde tempore ceu a Congregatione dimissa censeri opor- tet. Quod si in posterum iterum invitata fuit ad redeundum in Monasterium cum termino perentorio, id factum fuisse Mo- niales respondent ad omnem aequivocationem tollendam et in obsequium dispositionis S. Congr. Episcoporum et Regul.

Ex superius autem discussis, Moniales pergunt, facile tertio evincitur ipsarum Institutum retineri debere uti exo- neratum a solutione pensionis menstruae libell. 50 favore praefatae dominae Renard impositae per rescriptum supra relatum diei 25 Novembris 1891. Domina enim Renard nul- lam amplius cum Instituto Sororum ab Assumptione quod sponte dimisit, relationem habet ; ergo etiam aequum est ut Congregatio declaretur soluta a quocumque vinculo erga per- sonam, quae ad eius corpus amplius non spectat.

ANIMADVERSIONES E X OFFICIO . Rmus Summista hanc the- sim probandam assumit. Religiosus dimissus ab Ordine, in- specto iure canonico, quoadusque non accedat dispensatio votorum pontificia, spectari debet ceu aliquo modo Ordini ligatus. Re quidem vera vel agitur de religioso professo cum votis solemnibus, vel de professo cum votis simplicibus. In primo casu, etiamsi professus indultum saecularizationis ob- tinuerit , adhuc uti religiosus haberi debet. Vel enim breve est temporaneum, vel est perpetuum. Si est temporaneum, non desinit esse religiosus qui illud obtinuit, uti docet Santi Praelect. Iur. can. lib. 3, tit. 35: « Religiosus qui ad tem- pus ex concessione S. Sedis degit extra claustra, remanet verus religiosus ». Idque obtinet etiamsi licentiam habuerit habitum deponendi, cum sub vestibus saecularibus aliquam