LITTERAE 397

Tu igitur, Eme Princeps, qui Romae Nostras vices quoad spiritualia geris, quae tua est suavitas et firmitas, cura, hoc enim pro certo habemus, ut musica, quae in ecclesiis et sa- crariis cleri vel saecularis vel regularis huius almae Urbis cani- tur ad Nostras Instructiones accommodetur. Multa sunt in cantu Missae, litaniarum lauretanarum et hymni eucharistici corri- genda; sed cantus Vesperarum in festis, quae in ecclesiis et basilicis celebrantur, corrigatur oportet. Caeremonialis Episco- porum decreta liturgica et classicae Scholae Romanae pulchras traditiones frustra quaerimus. Alternorum cleri modorum, quo- rum et populus particeps erat, locum tenent perlongae musi- cae compositiones super verba psalmorum, antiquarum theatri operarum more, et insuper ita ab arte aberrantes, quae ne in concentibus quidem alienis essent ferendae. Religio et christiana pietas non provehuntur; augetur quorumdam minime intelli- gentium curiositas, at plerique molo exemplo afficiantur et mi- rantur hunc malum usum adhuc vivere. Nos igitur volumus et cupimus hunc omnino auferri et solemnitates Vesperarum iuxta leges liturgicas, quas exponemus, ubique celebrari. Omni- bus ecclesiis exemplo sint basilicae maiores cura Emorum PP. Cardinalium iisdem praepositorum, earumque sequantur exem- pla in primis basilicae minores, ecclesiae collegiales, paroeciae, ecclesiae et sacraria Ordinum religiosorum.

Tu vero, Eme Domine, noli indulgere, rumpe moras. Res moram cum habeat, non minuit difficultas, quin etiam auget; quo autem est amputandum, amputetur citius. Nobis et Nostris verbis, quae gratia Dei sequitur, omnes confidant. Instauratio ad quosdam frigebit in primis ; quidam forte inter coriphaeos satis paratus non erit, sed paullatim res bene se aget, et ubi musica legibus liturgicis et concentus naturae erit accommodata, pulchritudinem et bonitatem nusquam cognitam omnes sen- tient. Ita solemnitates Vesperarum imminuuntur; sin autem velint aliquoties ecclesiarum rectores sacra protrahere, ut adsit in ecclesia populus, qui sub vesperum Domum Dei convenit, in qua festum celebratur, nihil vetat, quin etiam Christifidelium pietati et religioni prodest, ut accurata oratio et SSmi Sacra- menti benedictio habeatur.

Denique volumus sacram musicam speciali cura et debitis modis coli in omnibus seminariis et collegiis Urbis, ubi tot se- lecti clerici totius orbis sacras discunt scientias. Scimus, et hoc