398 MONTIS PESSULANI

partem religiosi habitus gestare debeat. Si vero saeculari- zationis indultum est perpetuum, eadem pariter conclusio videtur esse deducenda. Siquidem praefato Indulto haec clau- sula, teste Santi l . c , addi solet « retento interius aliquo sui regularis habitus signo ita tamen ut substantialia voto- rum suae professionis cum statu compatibilia observet et sub obedientia ordinarii, etiam in vim voti religiosi, vi- vat ». Unde quamvis religiosus perpetuo saecularizationis in- dulto donatus non amplius adstringatur ad observantiam regulae sui Ordinis, non ita tamen censeri potest de sub- stantialibus suorum votorum.

Si vero agatur de professis cum votis simplicibus idem pariter videtur sentiendum iuxta Rmum Summistam, I o quia solemnitas in votis est aliquid extrinsecum ; 2° quia teste Bouix in tractatu de Iure Regul. p. 6. cajo. 3. quaes. 4. in constitutionibus Institutorum cum votis simplicibus aliquan- do solet caveri ut « religiosus eiectus dimissusque censeatur a votis ipso facto solutus. Et tunc revera prorsus liber a votorum vinculo religiosus ille remanet fitque a religioso non religiosus ».

Proinde cum necessaria sit votorum solutio, praesertim paupertatis et obedientiae, ut quis de religioso fiat non re- ligiosus et cum haec solutio in casu non intercesserit, neque ex parte S. Sedis, neque ex parte Congregationis ab Assum- ptione, cuius Constitutiones de hac solutione non cavent in religiosa dimissa, profecto videtur retinendum, quod soror Maria a Calvario, in saeculo Martha Renard, etiamsi ab In- stituto sororum ab Assumptione dimissa adhuc uti religiosa spectari debeat.

Quoad vero alia duo quaestionis puncta, utrum nempe expediat praefatam sororem in saeculo manere vel uti reli- giosam extra claustra, vel in puro statu laico, et tertio an sorores ab Assumptione adhuc teneantur ad solutionem pen- sionis statutae per rescriptum diei 25 Novembris 1891, Rmus Summista, paucis in facto delibatis, rem totam defert iudi- cio et prudentiae S. Auditorii.